„სტუდენტური ცხოვრება 2016-ის“ დახურვა

კავკასიის საერთაშორისო უნივერსიტეტის სტუდენტური თვითმმართველობის პროექტის „სტუდენტური ცხოვრება 2016-ის“ დახურვის საზეიმო ცერემონიალი გაიმართა.

პროექტის ფარგლებში სტუდენტებს საშუალება ჰქონდათ ერთმანეთს კულტურულ, სპორტულ და საგანმანათლებლო აქტივობებში შეჯიბრებოდნენ.

პროექტი ორი თვის განმავლობაში მიმდინარეობდა და სულ 14 აქტივობა განხორციელდა.  

პროექტის დახურვის ცერემონიალს თვითმმართველობის პრეზიდენტი ზურა ქავთარია უძღვებოდა. გამარჯვებულებს სიგელები, მედლები, თასები და ფულადი ჯილდო უნივერსიტეტის კანცლერმა ვახტანგ წივწივაძემ და კანცლერის მოადგილემ თენგიზ დონაძემ გადასცეს.

დასკვნით შეხვედრაზე ზურა ქავთარიამ, თვითმმართველობის სახელით, პროექტის მხარდაჭერისთვის უნივერსიტეტის ხელმძღვანელობას, ადმინისტრაციის რამდენიმე თანამშრომელსა და სტუდენტს მადლობის სიგელი გადასცა.  

„ სტუდენტური ცხოვრება 2016-ის“ მიზანი უნივერსიტეტის ქართველი და უცხოელი სტუდენტების დაახლოება და ახალგაზრდების ჯანსაღი ცხოვრებით დაინტერესება იყო.