კავკასიის საერთაშორისო უნივერსიტეტის სტუდენტებს კარიერული კონსულტაციის კომპანია StepUp -ის დირექტორი ცირა შანავა უფასო ტრენინგსა და მასტერკლასს თემაზე: „პერსონალური ბრენდინგი“ უტარებს.
ტრენინგში მონაწილეობას უნივერსიტეტის სხვადასხვა ფაკულტეტის 30 მაღალი GPA-ს მქონე სტუდენტი იღებს.
შეხვედრაზე სტუდენტები ინფორმაციას მიიღებენ რეზიუმეს თანამედროვე ტრენდების გათვალისწინებით შედგენის, საკუთარი შესაძლებლობების ანალიზისა და თვითბრენდინგის შესახებ.
მასტერკლასი 2 დღის განმავლობაში გაგრძელდება და დასრულების შემდეგ მონაწილე სტუდენტებს სერტიფიკატები გადაეცემათ.
კომპანია StepUp -ის მიზანია, შესაძლებლობების მაქსიმალური გამოვლენის გზით, ახალგაზრდების დასაქმების ხელშეწყობა.
მასტერკალასი და ტრენინგი უნივერსიტეტის კარიერის განვითარების ცენტრის ორგანიზებით ტარდება.
ადრესატი
თქვენი სახელი
ელ-ფოსტა
თემა
შეტყობინება
