კავკასიის საერთაშორისო უნივერსიტეტმა ბაკალავრიატის, მაგისტრატურისა და დოქტორანტურის სტუდენტთა რიგით მეოთხე საერთაშორისო კონფერენციას უმასპინძლა

კავკასიის საერთაშორისო უნივერსიტეტმა ბაკალავრიატის, მაგისტრატურისა და დოქტორანტურის სტუდენტთა რიგით მეოთხე საერთაშორისო კონფერენციას უმასპინძლა.

ბიზნესი, სამართალი, ირანისტიკა, მედიცინა, სტომატოლოგია და ფარმაცია, საერთაშორისო ურთიერთობები და ჟურნალისტიკა  - ეს ის სექციებია, რომლებშიც მონაწილეები პლენარული სხდომის შემდეგ გადანაწილდნენ.

საერთაშორისო კონფერენციაზე უკვე მეორედ ფუნქციონირებდა ირანისტიკის სექცია. ღონისძებას ირანის ისლამური რესპუბლიკის საელჩოს კულტურის ატაშე დაეწრო და თითოეულ მონაწილეს სერტიფიკატები გადასცა.

საერთაშორისო კონფერენციის მიზანს საქართველოსა და საზღვარგარეთის ქვეყნების უმაღლეს სკოლებს შორის ერთიანი აკადემიური გარემოს განვითარების ხელშეწყობა, ცოდნისა და გამოცდილების გაზიარება, სამეცნიერო საქმიანობის სტიმულირება და უნივერსიტეტების კვლევითი საქმიანობის რეალურ საბაზრო მოთხოვნებთან დაკავშირება წარმოადგენს.

კონფერენციაში საქართველოსა და საზღვარგარეთის ქვეყნების უნივერსიტეტებიდან 160-მდე სტუდენტი მონაწილეობდა. ღონისძიების ბოლოს თითოეულ მონაწილეს სერტიფიკატები უნივერსიტეტის რექტორმა და შესაბამისი ფაკულტეტის დეკანებმა გადასცეს.