19 აპრილს, კავკასიის საერთაშორისო უნივერსიტეტის საკონფერენციო დარბაზში სოციალურ-საგანმანათლებლო მედიაპროექტმა - „ეტალონი“ სტუდენტებისათვის საუნივერსიტეტო „ეტალონი“ ჩაატარა. კონკურსში კსუ-ს ყველა ფაკულტეტის მაღალი GPA-ს მქონე 31 სტუდენტი მონაწილეობდა.
ინტელექტუალური კონკურსი საკმაოდ დაძაბულად წარიმართა, რაც შედეგებზეც აისახა. საბოლოო გამარჯვება და კსუ-ს 2015-2016 სასწავლო წლის ,,ეტალონი“ სტუდენტის ტიტული სოციალურ მეცნიერებათა ფაკულტეტის საერთაშორისო ურთიერთობების სპეციალობის სტუდენტმა გელა ფიცხელაურმა მოიპოვა, მას მხოლოდ რამდენიმე წამით ჩამორჩა ლევან ბორტიშვილი, ხოლო მესამე ადგილი ლაშა კანთელაშვილმა დაიკავა.
საუნივერსიტეტო „ეტალონს“ მუსიკალურად კსუ-ს ხალხური ანსამბლი ,,კავკასიელი“ აფორმებდა. პროექტის ავტორი და წამყვანი გოჩა ტყეშელაშვილი კონკურსის მონაწილეებსა და დამსწრე აუდიტორიას იმ სამომავლო პროექტის შესახებ ესაუბრა, რომელიც სპორტის სასახლეში 14 მაისს გაიმართება და საქართველოს მასშტაბით ეტალონ მოსწავლეს გამოავლენს. მისი თქმით, საორგანიზაციო ჯგუფში კსუ-ს აქტიური და წარმატებული სტუდენტები ჩაერთვებიან.
შეგახსენებთ, რომ ყველაზე ეროვნული მედიაპროექტი “ეტალონი“ საქართველოში შექმნილი და დაპატენტებული პროექტია.
კონკურსის დასასრულს ინტელექტუალური შეჯიბრის მონაწილეებს პროექტის ავტორმა და უნივერსიტეტის ხარისხის უზრუნველყოფის სამსახურის უფროსმა, ვიცერექტორმა მარინა გედევანიშვილმა დიპლომები გადასცეს, გამარჯვებული სტუდენტი კი უნივერსიტეტმა ციფრული ფოტოაპარატითა და სამახსოვრო საჩუქრებით დააჯილდოვა.
ადრესატი
თქვენი სახელი
ელ-ფოსტა
თემა
შეტყობინება
