ინტელექტუალური თამაში

10 აპრილს კავკასიის საერთაშორისო უნივერსიტეტში პროექტის - „სტუდენტური ცხოვრება 2016“ - ფარგლებში, ინტელექტუალური თამაში - „რა? სად? როდის?“ - გაიმართა.

თამაში საკმაოდ დაძაბული აღმოჩნდა. I და II ადგილის მფლობელების გამოვლენაში ერთ-ერთი გადამწყვეტი როლი ვაჟა-ფშაველაზე დასმულმა კითხვამ ითამაშა.

მესამე ადგილისთვის ბრძოლა კი სამმა გუნდმა განაგრძო და გამარჯვებული ერთი ქულის უპირატესობით გამოვლინდა.

პირველი სამი ადგილი ასე გადანაწილდა:

I ადგილი

გუნდი - „რევანში“

II ადგილი

გუნდი - „ILLUMINATUS”

III ადგილი

გუნდი - „ელარჯი“

ინტელექტუალური თამაშის ჟიური შემდეგი წევრებისგან შედგებოდა: კსუ-ს თვითმმართველობის ვიცეპრეზიდენტი ბექა ბაჟუნაიშვილი, ღონისძიების თანაორგანიზატორი ეკა პაპუნაშვილი და საკონკურსო კითხვების თანაავტორი ბექა სარალიძე. 

შეგახსენებთ, რომ „სტუდენტური ცხოვრება 2016“ კსუ-ს სტუდენტური თვითმართველობის პროექტია და უკვე ერთი თვეა ტარდება.