პროექტის - ჩვენი თაობის სათქმელი - ფარგლებში სტუდენტები ნინო ჩხობაძეს შეხვდნენ

,,ჩვენი თაობის სათქმელი” - ახალი პროექტია, რომელიც კავკასიის საერთაშორისო უნივერსიტეტში სტუდენტებთან და საზოგადოებასთან ურთიერთობების დეპარტამენტის სპეციალისტის, მარინე უგულავას ინიციატივითა და ორგანიზებით ხორციელდება.

 23 მარტს სტუდენტები ,,მე და გარემო” თემის ფარგლებში საქართველოს მწვანეთა მოძრაობა - დედამიწის მეგობრების თანათავჯდომარეს ნინო ჩხობაძეს შეხვდნენ. ბიზნესის სოციალური პასუხისმგებლობა, ნარჩენების მართვა, გარემო და ეკოლოგია - შეხვედრისას მომხსენებელმა ამ თემატიკაზე გაამახვილა ყურადღება.

,,ჩვენი თაობის სათქმელი” - პირველი კურსის სტუდენტებზე გათვლილი პროექტია; სტუდენტებმა პროექტის ფარგლებში თემები მათ მიერ დანახულ პრობლემატურ საკითხებზე დაწერეს.  მათთვის საჯარო ლექციები სწორად ამ თემატიკის მიხედვით იმართება.

პროექტის ავტორის თქმით, ,,ჩვენი თაობის სათქმელი’’ სემესტრის განმავლობაში გაგრძელდება და სტუდენეტებს საშუალება ექნებათ სხვადასხვა მნიშვნელოვან  და მათთვის საინტერესო საკითხზე მიიღონ ინფორმაცია.