ღვინის თეატრის მსახიობი ანი ბობოხიძე ერთკვირიან მასტერკლასებზე ბაკურიანში მიემგზავრება

30 ნოემბერს კავკასიის საერთაშორისო უნივერსიტეტის „ღვინის თეატრი“, სტუდენტურ თეატრთა საერთაშორისო ფესტივალზე „ნიღაბი - 2015“ ანტონ ჩეხოვის მოთხრობის მიხედვით დადგმული სპექტაკლით - „ნერვები“ - წარსდგა.  

„ღვინის თეატრის“ ერთ-ერთი მსახიობი ანი ბობოხიძე გერმანელი გუვერნანტი ქალის, როზალინა კარლოვის როლის წარმატებით შესრულებისთვის ელექტრონული წიგნების სახლის „საბას“ რჩეული გახდა და 100 ელექტრონული წიგნი გადაეცა. ასევე, ანი ბობოხიძე იმ 10 გამარჯვებულ და ჟიურის რჩეულთა სიაში მოხვდა, რომლებიც სრული დაფინანსებით გაემგზავრებიან ბაკურიანში, სადაც შვედი რეჟისორები და მსახიობები ერთკვირიან მასტერკლასებს ჩაუტარებენ.

კავკასიის საერთაშორისო უნივერსიტეტი ულოცავს ანი ბობოხიძეს ამ გამარჯვებას.