ვარშავის ეკოლოგიისა და მენეჯმენტის უნივერსიტეტის წარმომადგენელი ირინა ლაპანოვსკა კსუ-ში

19 თებერვალს კავკასიის საერთაშორისო უნივერსიტეტს საერთაშორისო ურთიერთობების სამსახურისა და კარიერის განვითარების ცენტრის ორგანიზებით ვარშავის ეკოლოგიისა და მენეჯმენტის უნივერსიტეტის წარმომადგენელი, ირინა ლაპანოვსკა ესტუმრა.

შეხვედრაზე უნივერსიტეტის რექტორმა კახაბერ კორძაიამ და ირინა ლაპანოვსკამ სამომავლო თანამშრომლობის პერსპექტივები, სტუდენტებისა და აკადემიური პერსონალის გაცვლა,  ერასმუს + პროგრამის ფარგლებში თანამშრომლობა და საერთო საგანმანათლებლო პროგრამის შემუშავების შესაძლებლობები განიხილეს.

შეხვედრის დასკვნით ნაწილში პოლონელმა სტუმარმა კავკასიის საერთაშორისო უნივერსიტეტის პოლონური ენისა და კულტურის კაბინეტი დაათვალიერა.