კსუ-ს მარნეულის სკოლებიდან მაღალი აკადემური მოსწრების მქონე მოსწავლეები ესტუმრნენ

13 თებერვალს, კავკასიის საერთაშორისო უნივერსიტეტს, მარნეულის სკოლებიდან, მაღალი აკადემური მოსწრების მქონე მოსწავლეები ესტუმრნენ.

საგანმანათლებლო პროგრამები, სამომავლო გეგმები და პრიორიტეტები - ეს სწორედ ის თემებია, რაზეც კავკასიის საერთაშორისო უნივერსიტეტის წარმომადგენლები სტუმრებს ესაუბრნენ.

ინოვაციებისა და სტრატეგიული განვითარების დეპარტამენტში გამართული შეხვედრის ფარგლებში, მოსწავლეებმა სპეციალური ტესტირება გაიარეს, რომლის დახმარებითაც, პროფესიული განვითარების კუთხით, მათივე სურვილების, მიზნებისა და ინტერესების დადგენა გახდა შესაძლებელი.

აღნიშნული შეხვედრის მიზანი მოსწავლეებისთვის უმაღლესი საგანმანათლებლო პროგრამების გაცნობა და მომავალი თანამშრომლობის დაგეგმვა იყო.

ვიზიტისას, სტუმრებმა კავკასიის საერთაშორისო უნივერსიტეტის ინფრასტრუქუტრა, სამედიცინო ლაბორატორიები და ტელე-რადიო სტუდიები დაათვალიერეს.