ალკალას უნივერსიტეტის წარმომადგენელი კსუ-ში

29 იანვარს კავკასიის საერთაშორისო უნივერსიტეტს ალკალას უნივერსიტეტის წარმომადგენელი საქართველოში, პროფესორი მიგელ ფილიპე კამბას სანტოსი და ესპანურ-ქართული კულტურული ასოციაცია „იბერიას“ პრეზიდენტი ქეთევან გორგილაძე ესტუმრნენ.

სამუშაო შეხვედრას კსუ-ს რექტორი კახაბერ კორძაია, ხარისხის უზრუნველყოფის სამსახურის უფროსი, ვიცე რექტორი მარინა გედევანიშვილი, ტურიზმის საბაკალავრო პროგრამის ხელმძღვანელი თამარ ქობლიანიძე, საერთაშორისო მარკეტინგის ქართული და ინგლისურენოვანი სამაგისტრო პროგრამების ხელმძღვანელი კახაბერ ჯაყელი და საერთაშორისო ურთიერთობების სამსახურის სპეციალისტი სვეტლანა კირაკოსიანი ესწრებოდნენ.

შეხვედრაზე უნივერსიტეტებს შორის მემორანდუმის პუნქტების გაფართოებაზე, გაცვლით პროგრამებსა და ორმაგი დიპლომის გაცემის შესაძლებლობაზე ისაუბრეს.

პროფესორ მიგელ ფილიპე კამბას სანტოსის თქმით, გაცვლითი პროგრამების საშუალებით, ქართველი და ესპანელი სტუდენტები, ამ ორი ქვეყნის უკეთ გაცნობას შეძლებენ.

შეხვედრაზე ასევე ერთობლივი, ქართულ-ესპანური ბიზნეს ჟურნალის გამოცემაზე იმსჯელეს.

აღნიშნული შეხვედრა კსუ-ს საერთაშორისო ურთიერთობის სამსახურის ორგანიზებით გაიმართა.