ანზორ თოთაძის წიგნის პრეზენტაცია

კავკასიის საერთაშორისო უნივერსიტეტის საკონფერენციო დარბაზში კსუ-ს პროფესორისა და დემოგრაფიული პრობლემების კვლევის ცენტრის დირექტორის ანზორ თოთაძის წიგნის - „დიდი სომხეთის დიადი შემოქმედნი“ - პრეზენტაცია გაიმართა.

წიგნი გამომცემლობა „უნივერსალმა“ დაბეჭდა, ხოლო რედაქტორი საქართველოს მეცნიერებათა ეროვნული აკადემიის აკადემიკოსი მარიამ ლორთქიფანიძე გახლდათ.

 „გენოციდი სომხურად“, „საქართველოდან ჯავახეთის ამპუტაციის გეგმა“, „უცნობი ავტორი ნაცნობი მოტივებით“ - ეს ის ძირითადი ქვეთავები და საკითხებია, რომლებსაც ავტორი წიგნში ვრცლად განიხილავს.

წიგნის პრეზენტაციას მოწვეული სტუმრები და კსუ-ს სტუდენტები ესწრებოდნენ.