მიკროსაფინანსო ორგანიზაცია კრედოს წარმომადგენლები კსუ–ში

კავკასიის საერთაშორისო უნივერსიტეტის სტუდენტებს მიკროსაფინანსო ორგანიზაცია „კრედოს“ წარმომადგენლები შეხვდნენ.

საინფორმაციო შეხვედრის ფარგლებში, პერსონალის შერჩევის უფროსი ოფიცერი - ანა ყუბანეიშვილი და კადრების შერჩევის რეგიონული ოფიცერი - ლელა კრასკოვსკაია სტუდენტებს ორგანიზაციის მიზნებზე, სტრატეგიასა და ამ დროისათვის, კომპანიაში არსებულ ვაკანტურ თანამდებობაზე ესაუბრნენ. „კრედოს“ წარმომადგენლებმა აუდიტორიას სამსახურში აყვანის პროცედურები და კომპანიის პირობებიც გააცნეს.

სტუდენტების კითხვები, ძირითადად, სამუშაო საათებს, დღის წესრიგს, ანაზღაურებასა და სტაჟირების შემდეგ დასაქმების შანსებს შეეხებოდა.

შეხვედრის ბოლოს, დაინტერესებულმა სტუდენტებმა სააპლიკაციო ფორმები შეავსეს. შერჩეული აპლიკანტები განაცხადის განხილვის, ტესტირებისა და გასაუბრების შემდეგ, მიკროსაფინანსო ორგანიზაციაში სტაჟირებას დაიწყებენ.