საქართველო VS არგენტინი

კავკასიის საერთაშორისო უნივერსიტეტში საქართველოს მორაგბეთა ეროვნული ნაკრების გულშემატკივრები შეიკრიბნენ. ბორჯღალოსნების ქომაგებმა, სტუდენტებმა და ადმინისტრაციის წარმომადგენლებმა, საქართველო-არგენტინის შეხვედრას დიდ ეკრანზე მიადევნეს თვალი. თამაში საქართველოს დამარცხებით, ანგარიშით 54:9 დასრულდა. ინგლისში მიმდინარე მსოფლიოს თასის გათამაშების ჯგუფური ეტაპის მეორე ტურის მატჩის ჩვენება კავკასიის საერთაშორისო უნივერსიტეტის თვითმმართველობის ორგანიზებითა და ლუდსახარშ „კასტელ ჯორჯიას“ მხარდაჭერით გაიმართა. საქართველოს მორაგბეთა ეროვნული ნაკრები 2 ოქტომბერს ახალ ზელანდიას დაუპირისპირდება. 2015 წლის მორაგბეთა მსოფლიო თასის გათამაშება 18 სექტემბერს ინგლისში ოფიციალურად გაიხსნა. მსოფლიო ჩემპიონატზე ქართველი მორაგბეები C ჯგუფში ახალი ზელანდიის, არგენტინის, ტონგასა და ნამიბიის ნაკრებების წინააღმდეგ ასპარეზობენ. 19 სექტემბერს, ქართველმა მორაგბეებმა პირველ შეხვედრაში ტონგა 17:10 დაამარცხეს.