კსუ–მ მოხალისე სტუდენტებს ყაზბეგში გასვლითი ტური მოუწყო

კავკასიის საერთაშორისო უნივერსიტეტი წარჩინებულ და აქტიურ სტუდენტებს მუდამ გვერდში უდგას და მათ წახალისებას ყოველთვის ცდილობს.

კსუ-მ გასული სემესტრის სასკოლო-საგანმანათლებლო პროექტების _ „ბუნება მბრძანებელია“ და „მე თბილისის მოტრფიალე ვარ“ _ წარმატებით დასრულების აღსანიშნავად მოხალისე სტუდენტებს საჩუქარი გაუკეთა და ყაზბეგში გასვლითი ტური მოუწყო.

სტუდენტებმა ანანური, გერგეტის სამება და დარიალის სამონასტრო კომპლექსი მოინახულეს.

ისტორიის დოქტორი ქეთი შოშიაშვილი სტუდენტებს სამონასტრო კომპლექსსა და ხევის ისტორიულ-გეოგრაფიულ დანიშნულებაზე ესაუბრა.

კავკასიის საერთაშორისო უნივერსიტეტში სასკოლო- საგანმანათლებლო პროექტები ოქტომბრიდან განახლდება და მასში ჩართვა კსუ-ს ნებისმიერ სტუდენტს შეეძლება.