6 სექტემბერს კავკასიის საერთაშორისო უნივერსიტეტის მეგობარი სოციალურ-საგანმანათლებლო პროექტის -„ეტალონის“ - 10 წლის იუბილესთან დაკავშირებით თბილისის სახელმწიფო საკონცერტო დარბაზში წარმატებული ახალგაზრდებისა და პროექტის თანამოაზრეთა სადემონსტრაციო ღონისძიება გაიმართა.
„ცოდნის დღესასწაულზე“ საქართველოს ყველა მუნიციპალიტეტი და ქალაქი ერთი იდეის გარშემო გაერთიანდა. „ეტალონის“ საიუბილეო ღონისძიების ჩატარების მიზანია ახალი სასწავლო წლის დაწყების წინ ახალგაზრდების სწავლა-განათლებითა და კულტურით უფრო მეტად დაინტერესება.
ღონისძიებაზე მაყურებლებს მუნიციპალიტეტებიდან ჩამობრძანებულმა ახალგაზრდა პოეტებმა, მწერლებმა და ანსამბლებმა საკონცერტო ნომრები წარუდგინეს.
ცერემონიალზე დამსწრე საზოგადოებას სიტყვით მიმართეს: თბილისის მერმა, კულტურისა და ძეგლთა დაცვის მინისტრმა, განათლებისა და მეცნიერების მინისტრმა და სხვა საპატიო სტუმრებმა. „ეტალონის“ 10 წლის საიუბილეო ღონისძიებაზე კავკასიის საერთაშორისო უნივერსიტეტი მიწვეული იყო როგორც პარტნიორი ორგანიზაცია.
ადრესატი
თქვენი სახელი
ელ-ფოსტა
თემა
შეტყობინება
