კონფერენცია

კავკასიის საერთაშორისო უნივერსიტეტის ინოვაციებისა და სტრატეგიული გავითარების დეპარტამენტი თურქეთის გირესუნისა  და უკრაინის კარაზინის სახელობის ხარკოვის ეროვნულ უნივერსიტეტთან ერთად მონაწილეობდა საერთაშორისო პრესკონფერენციაში _ ,,მოსწავლეების თვალით დანახული უსაფრთხოება ინტერნეტში“.

პრესკონფერენციის მსვლელობისას გამოითქვა კონკრეტული მოსაზრებები და ინიციატივები:

• ,,მოსწავლეების თვალით დანახული უსაფრთხოება ინტერნეტში“ – კვლევის ფარგლებში იგეგმება ქალაქ ხარკოვის სკოლების 5–11 კლასის მოსწავლეების, მათი მშობლებისა და მასწავლებლების გამოკითხვა, რომელშიც მონაწილეობას მიიღებს 26 სასწავლო დაწესებულება და გამოიკითხება 3000–მდე რესპონდენტი. ანალოგიური კვლევითი ჯგუფები შეიქმნება თურქეთსა და საქართველოში;
• ალექსანდრე რუსეცკიმ წარმოადგინა ინიციატივა შეიქმნას ინტერნეტუსაფრთხოების შავი ზღვის კვლევითი ცენტრი, მისი ეს წინადადება კონფერენციის მონაწილეებმა დადებითად შეაფასეს და მხარი დაუჭირეს;
• თურქეთის გირესუნის უნივერსიტეტის ინიციატივით, კავკასიის საერთაშორისო უნივერსიტეტის სტუდენტები მონაწილეობას მიიღებენ მათ მიერ ორგანიზებულ საზაფხულო სკოლაში.

კავკასიის საერთაშორისო უნივერსიტეტი, თურქეთის გირესუნის უნივერსიტეტი და უკრაინის კარაზინის სახელობის ხარკოვის ეროვნული უნივერსიტეტი, აქტიურად გააგრძელებენ მომავალ თანამშრომლობას, შემდეგი პრესკონფერენცია ჩატარდება ივნისში, სადაც ერთობლივი კვლევისა და თანამშრომლობის შედეგები იქნება წარმოდგენილი.