მობილობის ფარგლებში სრულად ანაზღაურებადია სწავლისა და მგზავრობის (საქართველო - ასოცირებული/პროგრამის ქვეყანა - საქართველო) ხარჯები. სტუდენტებს ასევე გადაეცემათ ყოველთვიური სტიპენდია 800-900 ევრომდე ევროპული (ასოცირებული/პროგრამის) ქვეყნის სიძვირის მიხედვით. ხოლო საქართველოში ჩამომსვლელი სტუდენტებისთვის სტიპენდია შეადგენს 700 ევროს თვეში.

მოკლევადიანი ფიზიკური მობილობის შემთხვევაში გაიცემა დღიური სტიპენდია: 14 დღემდე მობილობის შემთხვევაში დღიური ანაზღაურება 70 €; 15 დან 30 დღემდე მობილობის შემთხვევაში დღიური ანაზღაურება 50 €.

სტუდენტთა გაცვლით/მობილობის პროგრამაში მონაწილეობის წინაპირობებია:

• აპლიკაციის წარდგენის მომენტისთვის სტუდენტი უნდა იყოს დარეგისტრირებული კავკასიის საერთაშორისო უნივერსტიეტში და უნდა იყოს ჩართული სასწავლო პროცესში (ე.ი. უნდა ჰქონდეს „აქტიური“ სტუდენტის სტატუსი;
• შესაბამისი უცხო ენის კომპეტენცია მინიმუმ B1 დონეზე;
• მინიმალური GPA - 1.5

სტუდენტთა გაცვლითი/მობილობის პროგრამის აპლიკანტთა აპლიკაციების და გასაუბრების შედეგების შეჯამება და კონკურსანტების შეფასება ხდება შემდეგი კრიტერიუმების მიხედვით, თუ შეფასების სხვა კრიტერიუმები არ არის შეთანხმებული პარტნიორ უნივერსიტეტებს შორის:

კონკურსის შემთხვევაში უპირატესობა ენიჭება სტუდენტს, რომელიც დააგროვებს ყველაზე მეტ ქულას. თანაბარი ქულების შემთხვევაში, უპირატესობა ენიჭება სტუდენტს, რომელსაც ჯერ არ მიუღია მონაწილეობა გაცვლით/მობილობის პროგრამაში, ან არის მოწყვლადი ჯგუფის წარმომადგენელი (სოციალურად დაუცველი, დევნილი, სსმ პირი და ა.შ.).

გამგზავრებამდე, სტუდენტმა უნდა შეავსოს შემდეგი დოკუმენტაცია:

• საგრანტო ხელშეკრულება, გათვლილი მობილობის სრულ პერიოდზე, ხელმოწერილი სტუდენტისა და ასოცირებულ/პროგრამის უმაღლესი საგანმანათლებლო დაწესებულების მიერ.
• სასწავლო ხელშეკრულება (Learning agreement) – წინასწარ განსაზღვრული სასწავლო პროგრამით, დამოწმებული სტუდენტის, გამგზავნი და მიმღები უმაღლესი სასწავლებლების მიერ.
• Erasmus + სტუდენტური ქარტია (Erasmus+ Student Charter) – რომელშიც მოცემულია სტუდენტის უფლებები და მოვალეობები მისი მობილობის პერიოდისთვის.
• მიმღები უნივერსიტეტის მიერ მოთხოვნილი სხვა დოკუმენტები (ასეთის არსებობის შემთხვევაში).

მობილობის პერიოდის დასრულებისას:

მიმღებმა უნივერსიტეტმა უნდა მიაწოდოს სტუდენტს და გამგზავნი უნივერსიტეტს ე.წ. ნიშნების ფურცლით, დასტურად იმისა, რომ სტუდენტის მობილობის პროგრამა დასრულებულია შეთანხმებისამებრ დაგეგმილი შედეგებით.

გამგზავნმა უნივერსიტეტმა უნდა აღიაროს შესაბამისი დასრულებული სასწავლო შედეგები, რომლებიც მიღებული იქნა სტუდენტის მიერ მობილობის პერიოდში (სასწავლო ხელშეკრულების მიხედვით, შესაბამისი სისტემის გამოყენებით). კავკასიის საერთაშირისო უნივერსიტეტის შემთხვევაში - „მობილობის, შიდა მობილობისა და კრედიტების აღიარების წესი კავკასიის საერთაშორისო უნივერსიტეტში“. მობილობის პერიოდი ასევე უნდა აისახოს/ჩაიწეროს დიპლომის დანართში.

მობილობის ფარგლებში სრულად ანაზღაურებადია საქმიანი ვიზიტისა და მგზავრობის (საქართველო - ასოცირებული/პროგრამის ქვეყანა - საქართველო) ხარჯები ევროპული (ასოცირებული/პროგრამის) ქვეყნის სიძვირის მიხედვით.

გრანტის ოდენობა განისაზღვრება სხვადასხვა ფორმით, დამოკიდებულია ასოცირებული/პროგრამის ქვეყნის უნივერსიტეტზე. გრანტის ოდენობა თითოეული მობილობის პროგრამისთვის გაწერილია შესაბამის გავრცელებულ განცხადებაში.

აკადემიური/ადმინისტრაციული პერსონალის მობილობის პროგრამაში მონაწილეობის წინაპირობებია:

• აპლიკაციის წარდგენის მომენტისა და დაგეგმილი მობილობის პერიოდისთვის პერსონალს უნდა ჰქონდეს აქტიური შრომითი ხელშეკრულება კავკასიის საერთაშორისო უნივერსიტეტთან;
• შესაბამისი უცხო ენის კომპეტენციის დონე B2-ზე.

პერსონალის გაცვლითი/მობილობის პროგრამის აპლიკანტთა აპლიკაციების შედეგების შეჯამება და კონკურსანტების შეფასება ხდება შემდეგი კრიტერიუმების მიხედვით, თუ შეფასების სხვა კრიტერიუმები არ არის შეთანხმებული პარტნიორ უნივერსიტეტებს შორის:

• ნათელი და დასაბუთებული ვიზიტის მიზნები;
• შემოთავაზებული მობილობის სამუშაო გეგმა;
• შემოთავაზებული მობილობის დამატებითი ღირებულება.

კონკურსის შემთხვევაში უპირატესობა ენიჭება პერსონალს, რომელსაც ჯერ არ მიუღია მონაწილეობა გაცვლით/მობილობის პროგრამაში, ან არის მოწყვლადი ჯგუფის წარმომადგენელი (სოციალურად დაუცველი, დევნილი, სსმ პირი და ა.შ.).

გამგზავრებამდე, პერსონალმა უნდა შეავსოს შემდეგი დოკუმენტაცია:

• საგრანტო ხელშეკრულება, ხელმოწერილი პერსონალისა და ასოცირებული/პროგრამის ქვეყნის უმაღლესი საგანმანათლებლო დაწესებულების მიერ.
• მობილობის ხელშეკრულება (Mobility agreement) – წინასწარ განსაზღვრული სამუშაო პროგრამა, დამოწმებული პერსონალის, გამგზავნი და მიმღები უმაღლესი სასწავლებლების მიერ.
• მიმღები უნივერსიტეტის მიერ მოთხოვნილი სხვა დოკუმენტები (ასეთის არსებობის შემთხვევაში).

მობილობის პერიოდის დასრულებისას:

მიმღებმა უნივერსიტეტმა უნდა მიაწოდოს დასწრების სერტიფიკატი/მოწმობა, მიმღებ უნივერსიტეტში წარსადგენად.