23 ივლისს, კავკასიის საერთაშორისო უნივერსიტეტის სტუდენტებსა და ადმინისტრაციულ პერსონალს, სტუდენტურ ექსპედიციებთან დაკავშირებით, მამა გიორგი ხონელიძე შეხვდა.
საქართველოს საგანმანათლებლო დაწესებულებების, სახელმწიფო სტრუქტურებისა და მართლმადიდებლური ეკლესიის თანამონაწილეობით, 3-18 აგვისტოს ეწყობა სტუდენტური ექსპედიციები სვანეთში, რაჭასა და თუშეთში. მისიის ძირითადი დანიშნულება არის საგანმანათლებლო (შემეცნებითი) და მზრუნველობითი. სტუდენტებს საშუალება მიეცემათ გამოცადონ საკუთარი თავი დამოუკიდებელ გარემოში, შეხვდნენ ადგილობრივ მოსახლეობას, მოისმინონ მათი პრობლემები და იმსჯელონ გადაჭრის გზებზე. ასევე, შესაძლებლობა ექნებათ მოინახულონ ღირსშესანიშნაობები, გაიცნონ სხვა პროფესიის ახალგაზრდები, მათთან ერთად შეეხონ და განიცადონ საქართველოს მთიანეთის თანამედროვე მდგომარეობა.
საინფორმაციო შეხვედრაზე მამა გიორგიმ უნივერსიტეტის სტუდენტებსა და ადმინისტრაციას პროექტის დეტალები გააცნო და მათ კითხვებს უპასუხა, კავკასიის საერთაშორისო უნივერსიტეტის კანცლერმა, ვახტანგ წივწივაძემ კი პროექტს სრული მხარდაჭერა გამოუცხადა.
პროექტში ჩართულ სტუდენტთა მაქსიმალური რაოდენობა საქართველოს სხვადასხვა საგანმანათლებლო დაწესებულებებიდან ჯამში 75 იქნება. ისინი 3 ჯგუფად დაიყოფიან, თითოეულ ჯგუფში - 25 სტუდენტი, რომლებიც ერთ კონკრეტულ მარშრუტში მოხვდებიან.
პროექტში ჩართული სტუდენტები სრულად არიან დაფინანსებული ტრანსპორტითა და საცხოვრებელი ხარჯებით (სამჯერადი კვებით). გარდა ამისა, ეკიპირებისთვის ფინანსდებიან 400 ლარით, ხოლო კავკასიის საერთაშორისო უნივერსიტეტის კანცლერის, ვახტანგ წივწივაძის გადაწყვეტილებით, თითოეულ სტუდენტს ემატება 100 ლარი.
???? პროექტში ჩართვის მსურველთა რეგისტრაცია იწარმოებს დეკანატებში.
???? რეგისტრაციის ბოლო ვადაა - 25 ივლისი, 13:00 სთ.
ადრესატი
თქვენი სახელი
ელ-ფოსტა
თემა
შეტყობინება