21 იანვარს კავკასიის საერთაშორისო უნივერსიტეტში, პროფესიული ორიენტაციის პროგრამის ფარგლებში, სატრენინგო შეხვედრა გაიმართა თემაზე: „პროფესიის არჩევის მნიშვნელობა“, რომელსაც აბიტურიენტები და საშუალო (X-XII) კლასის მოსწავლეები ესწრებოდნენ.
შეხვედრას მოდერატორობა პროფესიული ორიენტაციის პროექტის ხელმძღვანელმა და CIU-ს სტრატეგიული კომუნიკაციების დეპარტამენტის ხელმძღვანელმა, დავით გვეტაძემ გაუწია, რომელმაც ყურადღება გაამახვილა პროფესიის არჩევის თავისებურებებსა და პროფესიის დაუფლების პროცესში საუნივერსიტეტო გარემოს გავლენაზე.
შეგახსენებთ, რომ პროფესიული ორიენტაციის პროგრამა, კავკასიის საერთაშორისო უნივერსიტეტის ახალი პროექტია, რომელიც პროფესიის არჩევისთვის მოამზადებს აბიტურიენტებსა და საშუალო (X-XII) კლასის მოსწავლეებს. ასევე, ახალი საინვესტიციო პროგრამა დამამთავრებელი (XII) კლასის დამრიგებლების გადამზადებასა და მათთვის ტრენინგის - „პედაგოგის როლი პროფორიენტაციაში“ ჩატარებას გულისხმობს. პროფესიული ორიენტაციის პროგრამაში მონაწილეობის საფასურს კი მიმდინარე წელს სრულად აფინანსებს კავკასიის საერთაშორისო უნივერსიტეტი.
ადრესატი
თქვენი სახელი
ელ-ფოსტა
თემა
შეტყობინება
