სასკოლო-საგანმანათლებლო კონკურსი - „სახელმწიფო ენა - ქვეყნის ღირსების საზომი“

კავკასიის საერთაშორისო უნივერსიტეტი

სასკოლო-საგანმანათლებლო კონკურსი - „სახელმწიფო ენა - ქვეყნის ღირსების საზომი“

დებულება

სასკოლო-საგანმანათლებლო კონკურსი - „სახელმწიფო ენა - ქვეყნის ღირსების საზომი“ (შემდეგში - „კონკურსი“) კავკასიის საერთაშორისო უნივერსიტეტის ბაზაზე მოქმედი საავტორო პროექტია, რომლის მიზნებია: მოსწავლეების მიერ სახელმწიფო ენის და მასთან დაკავშირებული საკითხების უკეთ გაცნობა; კვლევითი, მაღალი სააზროვნო, კომუნიკაციისა და კონკურენტულ გარემოში თანამშრომლობის უნარების განვითარება; სკოლებსა და უმაღლეს სასწავლებელს შორის კონტაქტის დამყარება; უნივერსიტეტის საქმიანობის გაცნობა და სამომავლო საგანმანათლებლო პროცესებში ჩართვა.

კონკურსი ეძღვნება 14 აპრილს - სახელმწიფო ენის დღეს. მონაწილეობის უფლება აქვთ საქართველოს მასშტაბით ყველა საჯარო და კერძო სკოლის მე-10, მე-11 და მე-12 კლასის მოსწავლეებს.

კონკურსი შედგება ერთი სექციისგან: ესსეისტიკა;

საკონკურსო მასალები უნდა გადმოაგზავნოთ შემდეგ ელექტრონულ მისამართზე:

schoolprojects@ciu.edu.ge

პროექტის ორგანიზატორი და საკონტაქტო პირი - მარინე უგულავა.

ტელ: 577 211444

ესსეისტიკის სექცია

თემატიკა:

• ქართული ენა, როგორც სახელმწიფო ენა;
• ქართული ენის პოპულარიზაცია და სახელმწიფო პოლიტიკა;
• ფხაზური ენა, როგორც აფხაზეთის ა/რ სახელმწიფო ენა და საქართველოს მოვალეობები;
• თანამედროვე მასმედიის ენა;
• სახელმწიფო ენის დაცვა - ევროპული გამოცდილება;

კონკურსის ეტაპები და შეფასების სისტემა:

• I ეტაპი, 1-10 აპრილი - რეგისტრაცია / ესსეს გამოგზავნა;
• II ეტაპი, 16 აპრილი - კომისიის მიერ შერჩეული ესსეების პრეზენტაცია და გამარჯვებულთა დაჯილდოება.

• კონკურსანტმა უნდა შეარჩიოს შემოთავაზებულიდან ერთ-ერთი ესსე და არგუმენტირებულად იმსჯელოს წამოჭრილი პრობლემატიკისა თუ ფაქტების შესახებ.
• კონკურსანტის მიერ გამოგზავნილი ესსე ფასდება ათქულიანი სისტემით.

შეფასების კრიტერიუმები:

კონკურსანტის მიერ გამოგზავნილი ნაშრომი ფასდება 10 ბალიანი სისტემით:

• მსჯელობა და ლოგიკური აზროვნება - 2 ქულა;
• პრობლემის სიღრმისეული ცოდნა და გამოსავლის გზები - 2 ქულა;
• დასაბუთება, პარალელები და არგუმენტი - 2 ქულა;
• ესსეს აგება და ადეკვატურობა - 2 ქულა;
• ესსეს ენა და სტილი - 2 ქულა.

იხილეთ სარეგისტრაციო ანკეტა