საინფორმაციო შეხვედრა სამხედრო გაწვევასთან დაკავშირებით

10 ოქტომბერს კავკასიის საერთაშორისო უნივერსიტეტში საინფორმაციო შეხვედრა გაიმართა თემაზე: „წვევამდელთა ეროვნულ და პროფესიულ სამხედრო სამსახურთან დაკავშირებული სიახლეები“.

შეხვედრას სსიპ სამხედრო გაწვევისა და რეკრუტირების ეროვნული სააგენტოს რეკრუტირებისა და საზოგადოებასთან ურთიერთობის სამსახურის უფროსი, პოლკოვნიკი ბეჟან კიკნაველიძე უძღვებოდა.

ღონისძიებაზე სპიკერმა მიმოიხილა წვევამდელთა ეროვნულ სამხედრო სამსახურთან დაკავშირებული სიახლეები, განახლებული მიდგომები თავდაცვის სისტემაში და ის პრივილეგიები, რასაც სტუდენტები მიიღებენ.

ღონისძიებას კავკასიის საერთაშორისო უნივერსიტეტის სტუდენტები, ასევე, ადმინისტრაციული და აკადემიური პერსონალის წარმომადგენლები ესწრებოდნენ.