„ასოციაცია მეცნიერებისთვის“ საინფორმაციო შეხვედრა კსუ-ში 28 ნოემბერს, „ასოციაცია მეცნიერებისთვის“ პრეზიდენტმა თამარ ხახუტაშვილმა, ორგანიზაციის საქმიანობის ძირითადი მიმართულებებისა და სერვისების შესახებ საინფორმაციო შეხვედრა ჩაატარა.
საკითხით დაინტერესებულ სამეცნიერო წრის წარმომადგენლებს ასოციაცია სთავაზობს შემდეგი სახის სერვისებს: ახალი სამეცნიერო სერვისების შესახებ პრეზენტაციების, ტრენინგების, სემინარებისა და კონსულტაციების ჩატარება; თანამედროვე საერთაშორისო სტანდარტების შესაბამისი პროგრამების დანერგვა; ელექტრონული ჟურნალების შესაქმნელი პროგრამა; საჭიროების შემთხვევაში ბეჭდური ვერსიის ელექტრონულ ფორმატში გადაყვანა; ონლაინ კონფერენციების ჩასატარებელი სისტემა; სამეცნიერო ლიტერატურის მოპოვება, მონაცემთა ბაზების გამოწერა; ბიბლიოთეკის ელექტრონული და ციფრული კატალოგის შესაქმნელი პროგრამები; სამეცნიერო პროდუქტიულობის ეფექტიანობის გაუმჯობესების პროგრამული საშუალებები; ინდივიდუალური ნაშრომების ასატვირთი პროგრამა; ინტერნეტ სივრცეში თანამედროვე სტანდარტების სრული დაცვით ინდივიდუალური ან ჯგუფური სამეცნიერო პროფილის შექმნა ან არსებულის რედაქტირება; საერთაშორისო საგრანტო კონკურსის და ჯილდოების შესახებ ინფორმაციის მოძიება.
საინფორმაციო შეხვედრას კსუ-ს სტუდენტები, ადმინისტრაციული და აკადემიური პერსონალი ესწრებოდა. „ასოციაცი მეცნიერებისთვის“ შესახებ დამატებითი ინფორმაცია შეგიძლიათ იხილოთ ვებ-გვერდზე: http://www.4science.ge/
ადრესატი
თქვენი სახელი
ელ-ფოსტა
თემა
შეტყობინება
