საინფორმაციო შეხვედრა კიბერუსაფრთხოების საკითხებზე

9 ოქტომბერს კავკასიის საერთაშორისო უნივერსიტეტში საინფორმაციო შეხვედრა გაიმართა თემაზე: „კიბერსაფრთხეები და მათგან დაცვის მეთოდები“.

ღონისძიებას, რომელიც კიბერუსაფრთხოების ცნობიერების ამაღლების მიზნით გაიმართა, სსიპ „ციფრული მმართველობის სააგენტოს“ წარმომადგენლები უძღვებოდნენ.

შეხვედრის ფარგლებში აუდიტორიას მიეწოდა ინფორმაცია ისეთ საკითხებზე როგორებიცაა: კიბერჰიგიენა, კიბერუსაფრთხოება, კიბერშეტევის ტიპები, სოციალური ინჟინერია, ფიშინგის მაგალითები და სხვა. დღის ფარგლებში სპიკერებმა სტუდენტებისთვის წამახალისებელი ქვიზიც გააკეთეს, გამარჯვებულები კი სიმბოლური საჩუქრებით დაჯილდოვდნენ.

ღონისძიება კავკასიის საერთაშორისო უნივერსიტეტის ბიზნესისა და ტექნოლოგიების ფაკულტეტის ორგანიზებით გაიმართა.