5 ნოემბერს კავკასიის საერთაშორისო უნივერსიტეტში საპატიო დოქტორის წოდების მინიჭების ოფიციალური ცერემონიალი გაიმართა.
ინტერნაციონალიზაციის, აკადემიური განათლებისა და სამეცნიერო კვლევების მიმართულებით შეტანილი განსაკუთრებული წვლილისთვის CIU-ს საპატიო დოქტორის წოდება მიენიჭა პოლონელ პროფესორს, ბიზნესისა და მეწარმეობის უნივერსიტეტის (ქ. ოსტროვეც-სვენტოკშისკი) რექტორს - პაველ გოტოვიეცკის.
ღონისძიებაზე სიტყვით წარდგნენ კავკასიის საერთაშორისო უნივერსიტეტის რექტორი - კახაბერ კორძაია და საერთაშორისო ურთიერთობებისა და საერთაშორისო უსაფრთხოების სამაგისტრო პროგრამის ხელმძღვანელი - ვახტანგ მაისაია; მოდერატორობა კი გაწია სამეცნიერო კვლევების დეპარტამენტის უფროსმა - სესილი გოგიბერიძემ.
სიტყვით გამომსვლელებმა აღნიშნეს პაველ გოტოვიეცკის განსაკუთრებული ღვაწლი კავკასიის საერთაშორისო უნივერსიტეტისადმი და ხაზი გაუსვეს მის მრავალფეროვან სამეცნიერო-ანალიტიკურსა და აკადემიურ საქმიანობას.
ცერემონიალის ფარგლებში პაველ გოტოვიეცკი წარდგა ლექციით: „საქართველოს როლი პოლონეთის საგარეო პოლიტიკაში: წარსული, აწმყო და მომავალი“.
ლექციის დასრულების შემდეგ CIU-ს რექტორმა პაველ გოტოვიეცკის საპატიო დოქტორის აღმნიშვნელი ჯილდო გადასცა.
ადრესატი
თქვენი სახელი
ელ-ფოსტა
თემა
შეტყობინება
