მიღება თერაპიული სტომატოლოგიის სარეზიდენტო პროგრამაზე

კავკასიის საერთაშორისო უნივერსიტეტი აცხადებს მიღებას რეზიდენტურის პროგრამაზე თერაპიულ სტომატოლოგიაში (3 ადგილი);

საბუთების მიღება: 9 - 30 მარტი (სართული VI, ოთახი 67, საკონტაქტო პირი ლაშა დოლიძე, 592 52 99 77);

გასაუბრება კონკურსანტებთან: 31 მარტი, 12:00 სთ.

რეგისტრაციის დროს წარმოსადგენია შემდეგი საბუთები:

• განცხადება;
• პირადობის მოწმობის ასლი;
• ერთიანი დიპლომისშემდგომი საკვალიფიკაციო გამოცდის ჩაბარების შედეგი (მინიჭებული სპეციალობის მაძიებლის დამადასტურებელი მოწმობა);
• დიპლომის ასლი;
• კონფერენციებში მონაწილეობის დამადასტურებელი დოკუმენტები (ასეთის არსებობის შემთხვევაში);
• საექიმო საქმიანობის განხორციელების დამადასტურებელი დოკუმენტები (ასეთის არსებობის შემთხვევაში).

რეზიდენტურის პროგრამაზე ჩარიცხვა მოხდება ერთიანი დიპლომისშემდგომი საკვალიფიკაციო გამოცდაში მიღებული ქულის შესაბამისად. თანაბარი ქულების არსებობის შემთხვევაში უპირატესობა ენიჭება გასაუბრების შედეგებს, სადაც კრიტერიუმები განისაზღვრება შემდეგი სახით:

• ინგლისური ენის ცოდნა - 2 ქულა;
• კონფერენციებში მონაწილეობა - 2 ქულა;
• საექიმო გამოცდილება - 2 ქულა;
• მოტივაცია და ზოგადი უნარები - 2 ქულა.