ლექციები მენეჯმენტის სპეციალობის სტუდენტებისთვის

კავკასიის საერთაშორისო უნივერსიტეტის ბიზნესისა და ტექნოლოგიების ფაკულტეტზე სალექციო კურსები დატვირთულია პრაქტიკოსი პროფესიონალების ჩართულობით.

4 და 18 ოქტომბერს ასოცირებული პროფესორ თამარ დუდაურის ორგანიზებით მენეჯმენტის საბაკალავრო პროგრამის მესამე და მეოთხე კურსის სტუდენტებთან საგნებში - ,,კორპორაციული მენეჯმენტი’’ და ,,ოპერაციული მენეჯმენტი’’ - მოწვეული იყვნენ: „ენერგო პრო ჯორჯია ჰოლდინგის“ ადამიანური რესურსების მართვის დეპარტამენტის უფროსი, გიორგი ტრაპაიძე და „თეგეტა მოტორსის“ რითეილის რეგიონალური დირექტორი, არჩილ მჭედლიშვილი.

გიორგი ტრაპაიძის ლექციამ თემაზე - „კორპორატიული კულტურა“ - ინტერაქციულ რეჟიმში ჩაიარა, რომელიც სტუდენტებისთვის პრაქტიკულ დავალებებს მოიცავდა. ლექციის ფარგლებში სტუდენტებმა მიიღეს ინფორმაცია, რამდენად მნიშვნელოვანია კორპორაციული კულტურა და მისი განვითარება კორპორაციაში.

არჩილ მჭედლიშვილმა კი ისაუბრა თემაზე - „მომსახურების დაპროექტება“, სადაც ძირითადი აქცენტი პრაქტიკულ საკითხებზე გაკეთდა. სპიკერმა სტუდენტებს გაუზიარა თავისი გამოცდილება და მიმოიხილა ის ძირითადი ტენდენციები, რაც შეინიშნება თანამედროვე მომსახურების სფეროში, დასასრულს კი მათ კითხვებს უპასუხა.