3 ივნისს კავკასიის საერთაშორისო უნივერსიტეტის (CIU) მედიცინის ფაკულტეტის სტომატოლოგიის პროგრამის მეათე სემესტრის სტუდენტებმა, ქალაქ ბორჯომის მოსწავლე - ახალგაზრდობის ტრენინგ ცენტრში, რაიონის სკოლის მოსწავლეებისთვის ჩაატარეს ლექცია-ტრენინგი: „პირის ღრუს მოვლა და ჰიგიენა“.
სტუდენტებმა მოსწავლეებს მულაჟების დახმარებით განუმარტეს და აჩვენეს პირის ღრუს მოვლისა და გაწმენდის სხვადსხვა მეთოდები.
ლექცია-ტრენინგს ესწრებოდნენ მედიცინის ფაკულტეტის სტომატოლოგიის მიმართულების ასოცირებული პროფესორები: თამარ ნემსაძე, ლელა გრიგოლია, ხათუნა კოვზირიძე და ვერა ხუნძაკიშვილი.
CIU-ს სტუდენტებს სიტყვით მიმართა, ბორჯომის ტრენინგ ცენტრის „ბორჯომის მომავლისათვის“ ხელმძღვანელმა ქეთი ნოზაძემ, რომელმაც სტუდენტებს გააცნო ცენტრის ინფრასტრუქტურა, რაიონის მოსწავლეების ნახატებისა და ხელნაკეთი ნივთების გამოფენა.
ლექცია-ტრენინგის დასასრულს, ყველა მონაწილეს გადაეცა სამახსოვრო საჩუქარი და სერტიფიკატი.
ადრესატი
თქვენი სახელი
ელ-ფოსტა
თემა
შეტყობინება