Erasmus+ აკადემიური პერსონალის მობილობის პროგრამის ფარგლებში კავკასიის საერთაშორისო უნივერსიტეტის ჟურნალისტიკის საბაკალავრო და მედიის კვლევებისა და მულტიმედია წარმოების სამაგისტრო საგანმანათლებლო პროგრამების ხელმძღვანელი, პროფესორი ზაზა ცოტნიაშვილი ავსტრიაში, ზალცბურგის გამოყენებით მეცნიერებათა უნივერსიტეტში იმყოფებოდა.
ვიზიტის ფარგლებში ზაზა ცოტნიაშვილმა ზალცბურგის გამოყენებით მეცნიერებათა უნივერსიტეტის სტუდენტებთან წაიკითხა სააუდიტორიო ლექციები თემაზე: „მულტიმედია და საინფორმაციო ომები“. როგორც კსუ-ს პროფესორმა აღნიშნა, სხვადასხვა საფეხურის სტუდენტების მხრიდან მისი ლექციების მიმართ ძალიან დიდი ინტერესი იყო.
ცოტნიაშვილის თქმით, კავკასიის საერთაშორისო უნივერსიტეტსა და ზალცბურგის გამოყენებით მეცნიერებათა უნივერსიტეტს შორის სამომავლოდ მჭიდრო ურთიერთთანამშრომლობის პერსპექტივები დაისახა.
„აღნიშნული მობილობა ითვალისწინებდა სააუდიტორიო ლექციების ჩატარებას თემაზე „მულტიმედია და საინფორმაციო ომები“, ასევე, შეხვედრებს ავსტრიელ კოლეგებთან და უნივერსიტეტის ადმინისტრაციის წარმომადგენლებთან. განსაკუთრებული ყურადღება გამოიჩინა უნივერსიტეტის ვიცე-რექტორმა, ულირკე ზიგერტიმ, სწორედ მან გამიწია მეგზურობა ზალცბურგის უნივერსიტეტის ახალი კამპუსების დათვალიერებისას. საქმიან შეხვედრაზე კი გამოხატა სურვილი, რომ ქართველ და ავსტრიელ პროფესორებსა და სტუდენტებს მიეცეთ მეტი შესაძლებლობა, მონაწილეობა მიიღონ გაცვლით პროგრამებში, რაც ორივე მხარისათვის ერთობ შედეგიანი იქნება.
მე მათ კავკასიის საერთაშორისო უნივერსიტეტის სამახსოვრო საჩუქრები გადავეცი და სამომავლო ურთიერთთანამშრომლობის პერსპექტივები დავსახეთ. კსუ-სა და ზალცბურგის გამოყენებით მეცნიერებათა უნივერსიტეტს შორის უახლოეს პერიოდში აუცილებლად გაფორმდება მემორანდუმი, რომელიც ჩვენი უნივერსიტეტის სტუდენტებს მისცემს ძალიან კარგ შესაძლებლობას, ისარგებლონ მობილობით და ამ მიმართულებით საუკეთესო გამოცდილება მიიღონ.“
ზაზა ცოტნიაშვილმა საერთაშორისო მობილობის მნიშვნელობაზეც ისაუბრა და ამ მიმართულებით მიღებული გამოცდილება ქართველ პროფესორებსა და სტუდენტებს გაუზიარა.
სოსო გაზდელიანი
ადრესატი
თქვენი სახელი
ელ-ფოსტა
თემა
შეტყობინება