კსუ-ს აფილირებული პროფესორი თეა კასრაძე Publons Academy-ის სერთიფიცირებული რეცენზენტია

კავკასიის საერთაშორისო უნივერსიტეტის ბიზნესის ადმინისტრირების სადოქტორო პროგრამის ხელმძღვანელმა, პროფესორმა თეა კასრაძემ წარმატებით გაიარა Publons Academy-ის რეცენზენტის სასერტიფიკატო კურსი და 2021 წლის 23 თებერვალს Publons Academy-ის სერტიფიცირებული რეცენზენტის წოდება მიენიჭა.

თეა კასრაძე ასევე არჩეულ იქნა Scopus და Web of Science სამეცნიერო ბაზებში რეგისტრირებული ჟურნალის Journal of Eastern European and Central Asian Research (JEECAR) სარედაქციო საბჭოს წევრად. JEECAR მულტიდისციპლინური კვარტალური ჟურნალია, რომლის მიზანია აღმოსავლეთ ევროპისა და ცენტრალური აზიის რეგიონში მიმდინარე ეკონომიკური საკითხების შესახებ მაღალი ხარისხის, ორიგინალური, ინოვაციური კვლევების გამოქვეყნება.

კავკასიის საერთაშორისო უნივერსიტეტი ორიენტირებულია დოქტორანტების სამეცნიერო ნაშრომების ხარისხის ამაღლებაზე, რათა მათ შეძლონ მაღალკონკურენტულ სამეცნიერო გარემოში სათანადო ადგილის დამკვიდრება. სამეცნიერო ნაშრომების რეცენზირება მომავალ მეცნიერებს ეხმარება გამოსაქვეყნებელი ნაშრომების სამეცნიერო დონის გაუმჯობესებასა და დაინტერესებული საზოგადოების მიერ მათ მიმართ სანდოობის ამაღლებაში.

თეა კასრაძის წარმატება გარკვეულ წვლილს შეიტანს ჩვენი დოქტორანტების მიერ ინოვაციური სამეცნიერო კვლევების მომზადებისა და მაღალრეიტინგულ სამეცნიერო ჟურნალებში მათი გამოქვეყნების საქმეში.

ieeca.org / Editorial Team

ieeca.org / 2020 Editorial Peer-Review Acknowledgement