27 ნოემბერს შოთა რუსთაველის საქართველოს ეროვნულმა სამეცნიერო ფონდმა პროექტის „მეცნიერება კაპიტანია“ ფარგლებში, ვირტუალური სამეცნიერო ბაზრობა გამართა. სამეცნიერო ბაზრობაზე უმაღლეს სასწავლებლებში არსებული კვლევითი ინსტიტუტები წარმოადგენდნენ ვიდეო რგოლებს, რომლებშიც ასახულია მიმდინარე კვლევითი აქტივობები.
სამეცნიერო ბაზრობაზე CIU-მ წარმოადგინა 3 ვიდეო რგოლი:
ქართული მევენახეობა და მეღვინეობა - უძველესი ტრადიციების თანამედროვე სამეცნიერო მიდგომები;
ქართული კონსტიტუციონალიზმის ევროპული გზა;
„ყვარლიდან მთაწმინდამდე გურამ შარაძის მოტივებზე“ - სამეცნიერო-კვლევითი ნაშრომის ეკრანიზაცია.
„მეცნიერება კაპიტანია“ ევროკავშირის კვლევისა და ინოვაციის ჩარჩო პროგრამის “Horizon 2020” მარი სკლოდოვსკა-კიურის მიმართულების კონკურსზე გამარჯვებული პროექტია. მისი სახელწოდება შთაგონებულია ლეონარდო და ვინჩის ცნობილი ფრაზით - „მეცნიერება კაპიტანია, ხოლო პრაქტიკა კი მისი ჯარისკაცები“.
აღსანიშნავია, რომ „მეცნიერება კაპიტანია“ პროექტით საქართველო 2020 წელს პირველად შეუერთდა „ევროპელ მკვლევართა ღამის“ საერთაშორისო აღნიშვნას.
პროექტი მიზნად ისახავს „ევროპელ მკვლევართა ღამის“ მასშტაბურ აღნიშვნას, მეცნიერების პოპულარიზაციას ფართო საზოგადოებაში, ახალგაზრდების დაინტერესებას კვლევითი საქმიანობით, წარმოაჩენს კვლევის მრავალფეროვნებას და ხაზს უსვამს მეცნიერების კავშირს ყოველდღიურ ცხოვრებასთან.
ცნობისთვის, „ევროპელ მკვლევართა ღამე“ მეცნიერებისა და ინოვაციების საერთო ევროპული ფესტივალია, რომელიც ევროკავშირის წევრი ქვეყნებისა და “horizon 2020” პროგრამის ასოცირებული ქვეყნების ასობით ქალაქში 2005 წლიდან იმართება.
ადრესატი
თქვენი სახელი
ელ-ფოსტა
თემა
შეტყობინება
