შეხვედრა „ევექსის ჰოსპიტლების“ წარმომადგენლებთან

16 დეკემბერს კავკასიის საერთაშორისო უნივერსიტეტის მედიცინის ფაკულტეტის სტუდენტებისთვის, დასაქმების მასშტაბური კამპანიის ფარგლებში, „ევექსის ჰოსპიტლების“ წარმომადგენლებთან ონლაინ შეხვედრა გაიმართა თემაზე:

„ექთნების დასაქმებისა და განვითარების ახალი შესაძლებლობა“.

სპიკერები: თამარ დაუსი, საექთნო მიმართულების განვითარების კოორდინატორი; ნინო შადური, პერსონალის მართვისა და ორგანიზაციული განვითარების დეპარტამენტის დირექტორი; თამარ კაზალიკაშვილი, შერჩევის განყოფილების უფროსი; თეონა ეძგვერაძე, რეკრუტერი.

შეხვედრის ფარგლებში, ევექსის ჰოსპიტლების წარმომადგენლებისგან სტუდენტებმა მიიღეს დეტალური ინფორმაცია შემდეგ საკითხებზე:

ევექსის ჰოსპიტლების ქსელში დასაქმებისა და 18 ჰოსპიტალში როტაციის შესაძლებლობა მთელი საქართველოს მასშტაბით;

ექთნის როლის აღიარებისა და დაფასების კამპანია;

კვალიფიკაციის ამაღლების მუდმივი შესაძლებლობა;

მტკიცებულებებსა და პრაქტიკაზე დაფუძნებული უწყვეტი განათლება;

კომპანიის შიდა დაწინაურებაზე ორიენტირებული მიდგომა;

გადამზადება სერვისისა და კომუნიკაციის ნაწილში;

ფინანსური სამოტივაციო სქემა და სტაბილური ანაზღაურება;

ბენეფიტების პაკეტი დასაქმებული ექთნებისთვის.

ცნობისთვის, ევექსის ჰოსპიტლებმა წლების მანძილზე გადაამზადა 5000-მდე ექთანი მათზე მორგებული საექთნო პროგრამებით. დასაქმებული ექთნებისთვის უწყვეტად იგეგმება ტრენინგები დაინიცირებული საჭიროებების მიხედვით, მაგალითად, კოვიდის მართვა, ვიწრო სპეციალიზაციის ტრენინგები, სერვის+ და სხვა. კომპანია ორიენტირებულია ექთნის როლის აღიარებაზე, დასაქმებული ექთნებისა და პაციენტების კმაყოფილებაზე, რისთვისაც წლების მანძილზე ქმნის ახალ პროგრამებს და ეხმიანება ბაზრის გამოწვევებს.