კავკასიის საერთაშორისო უნივერსიტეტის მიერ ორგანიზებული ზაფხულის სკოლის - „სამშვიდობო პოლიტიკა და ნდობის აღდგენა ოკუპირებულ რეგიონებთან“ - მეოთხე დღე ლექციით გაიხსნა თემაზე: „შერიგების სახელმწიფო პოლიტიკა - ნაბიჯი უკეთესი მომავლისკენ“.
ლექციას შერიგებისა და სამოქალაქო თანასწორობის საკითხებში სახელმწიფო მინისტრის აპარატის პოლიტიკის ანალიზის, დაგეგმვისა და საერთაშორისო ურთიერთობების დეპარტამენტის უფროსი, თამარ ქოჩორაძე უძღვებოდა.
სპიკერმა დეტალურად მიმოიხილა სამშვიდობო ინიციატივის „ნაბიჯი უკეთესი მომავლისკენ“ პრიორიტეტები და მისი განხორციელების ძირითადი ასპექტები, შეხვედრის მეორე ნაწილში კი აუდიტორიის კითხვებს უპასუხა.
დღის მეორე ლექცია მწერალ გურამ ოდიშარიას დაეთმო თემაზე: „ნდობის აღდგენა ოკუპირებულ ტერიტორიებთან - კულტურული დიალოგის გზები“.
აფხაზეთიდან დევნილმა მწერალმა ისაუბრა იქ გატარებულ წლებზე, ადამიანებს შორის ურთიერთობებსა და ერთმანეთთან ნდობის აღდგენის პერსპექტივებზე.
დღე კი ნანა ჯანელიძის ახალი მხატვრული ფილმის - „იარე, ლიზა“ - ჩვენებით დასრულდა.
აღნიშნული ფილმის მთავარი გმირი ჟურნალისტი ქალია, რომელიც 25 წლის წინ აფხაზეთის ომში რეპორტიორად მუშაობდა.
ფილმის ჩვენებას ზაფხულის სკოლის მონაწილეებთან ერთად, უნივერსიტეტის ადმინისტრაცია, სხვადასხვა უნივერსიტეტის პროფესორები და დაინტერესებული პირები ესწრებოდნენ.
ადრესატი
თქვენი სახელი
ელ-ფოსტა
თემა
შეტყობინება