კავკასიის საერთაშორისო უნივერსიტეტის ფუნდამენტური კვლევების საგრანტო პროექტის ფარგლებში განხორციელდა კვლევა „ტყუილის კვლევა ნეიროფიდბექის მეთოდოლოგიით“.
2023 წლის ფუნდამენტური კვლევების საგრანტო კონკურსის გამარჯვებულმა, პოლიტიკის მეცნიერების დოქტორმა, მაგდა კოტრიკაძემ შეისწავლა პოლიტიკური ტყუილის და პროპაგანდის გავლენა ადამიანის თავის ტვინსა და პერიფერიაზე. კვლევა უნიკალურია, რადგან მსგავსი ტიპის აპარატული კვლევა პოლიტიკის მეცნიერებებში ამ დრომდე არ განხორციელებულა.
მნიშვნელოვანია, რომ კვლევის შედეგები აისახა მაგდა კოტრიკაძის საკვალიფიკაციო ნაშრომში, რომელსაც ხელმძღვანელობდა პოლიტიკის მეცნიერების დოქტორი, კავკასიის საერთაშორისო უნივერსიტეტის პროფესორი ვახტანგ მაისაია.
კვლევით შესწავლილია თავის ტვინის რეაგირება ტყუილის ზემოქმედების მომენტში და გამოვლენილია აქტიური და პასიური სიტყვები და შინაარსები, გამოკვლეულია როგორ ტრანსფორმირდება ტყუილი სიმართლედ ჩვენს გონებაში და იზრდება მიმღებლობა ინფორმაციაზე, პროპაგანდასა და ტყუილზე. შესწავლილია ტყუილის აღქმა და ადამიანების მიდგომა ტყუილის მიმართ, მათი შეფასება და დამოკიდებულება, რომელ საკითხებში უფრო ტოლერანტულები არიან ადამიანები და რომელში უფრო ნაკლებად.
მსგავსი ტიპის აპარატული კვლევები მსოფლიოში საკმაოდ პოპულარულია და მიიჩნევა, რომ შედეგების ცდომილება მინიმუმამდეა შემცირებული. კვლევის შედეგები საინტერესოა როგორც პოლიტიკის მეცნიერების მკვლევართათვის, ასევე დარგის სპეციალისტებისთვის სხვადასხვა სექტორებიდან.
ადრესატი
თქვენი სახელი
ელ-ფოსტა
თემა
შეტყობინება
