17 ნოემბერს კავკასიის საერთაშორისო უნივერსიტეტში პოლიტიკის მეცნიერების სადოქტორო საგანმანათლებლო პროგრამის სტუდენტ გიორგი ვოლსკის სადისერტაციო ნაშრომის დაცვა გაიმართა თემაზე: „ეთნოპოლიტიკური კონფლიქტების სოციალურ- პოლიტიკური განზომილებები და მათი პრევენციის მექანიზმები (ევროკავშირის ქვეყნების და საქართველოს შედარებითი ანალიზი)“.
ნაშრომის სამეცნიერო ხელმძღვანელია პოლიტიკის მეცნიერებათა დოქტორი, ასოცირებული პროფესორი, თამარ კიკნაძე, ოფიციალური რეცენზენტები კი, სოციალურ მეცნიერებათა დოქტორი, საქართველოს ტექნიკური უნივერსიტეტის პროფესორი, სოფიო მიდელაშვილი და სოციალურ მეცნიერებათა დოქტორი, კავკასიის საერთაშორისო უნივერსიტეტის პროფესორი, ზაზა ცოტნიაშვილი.
დაცვის კოლეგიას ხელმძღვანელობდა პოლიტიკის მეცნიერებათა დოქტორი, პროფესორი ვახტანგ მაისაია.
ნაშრომის წარდგენისა და შესაბამისი პროცედურების გავლის შემდეგ, კავკასიის საერთაშორისო უნივერსიტეტის სოციალურ მეცნიერებათა ფაკულტეტის პოლიტიკის მეცნიერების სადოქტორო პროგრამის სადისერტაციო საბჭოს გადაწყვეტილებით, გიორგი ვოლსკის პოლიტიკის მეცნიერების დოქტორის აკადემიური ხარისხი მიენიჭა.
დისერტაციის დაცვას უნივერსიტეტის ხელმძღვანელობა, აკადემიური და სამეცნიერო წრეების წარმომადგენლები ესწრებოდნენ.
ადრესატი
თქვენი სახელი
ელ-ფოსტა
თემა
შეტყობინება