ბიზნეს ინკუბატორი იწყება

კავკასიის საერთაშორისო უნივერსიტეტი ბიზნეს ინკუბატორის პროექტის განხორციელებას იწყებს. პროექტი, რომელიც უკვე მეორედ ტარდება, მიზნად ისახავს სტუდენტებისგან ბიზნეს იდეების შერჩევას, უნივერსიტეტში შეძენილი ცოდნის პრაქტიკულ გამოყენებას და შესაბამისი მოდელების ჩამოყალიბებას, სადაც გამარჯვებული გუნდები ფინანსდებიან.

ინკუბაციის პროცესი შემდეგ ეტაპებს მოიცავს:

• გუნდების ჩამოყალიბებას;
• ბიზნეს იდეების შერჩევას და შესაბამის ბიზნეს მოდელების ჩამოყალიბებას;
• ბიზნეს იდეის შესაბამისად სამოქმედო და ბიზნეს გეგმების შედგენას;
• მენტორის მეთვალყურეობის ქვეშ სხვადასხვა ტიპის პრაქტიკული აქტივობების ჩატარებას, რომელიც ხელს შეუწყობს პირველადი ბიზნეს პროდუქტის ჩამოყალიბებას;
• პოტენციური კომპანიის ბრენდ ელემენტების შედგენას.

ბიზნეს ინკუბატორში მონაწილეობის უფლება აქვს კსუ-ს ყველა ფაკულტეტის სტუდენტს განურჩევლად სწავლის საფეხურისა.

ბიზნეს ინკუბატორში მოხვედრა მოხდება კონკურსის საფუძველზე.

ყოველი ეტაპის ბოლოს მოხდება შედეგების გაანალიზება და წარმატებული გუნდების გადაყვანა მომდევნო ეტაპზე. ბოლო ეტაპამდე მისული გუნდები წარდგებიან კომისიისა და მოწვეული სტუმრების წინაშე და შეირჩევა გამარჯვებული გუნდი.

პროექტის ხანგრძლივობა - 6 თვე

მნიშვნელოვანი თარიღები:

• 7 - 27 აპრილი: განაცხადების მიღება;
• 20 აპრილიდან: გასაუბრება;
• 1 მაისი: გუნდების შედგენა და ინკუბაციის დაწყება.

იხილეთ სარეგისტრაციო ბმული - shorturl.at/gEFY9

დამატებითი კითხვების შემთხვევაში, გთხოვთ, პროექტის ორგანიზატორებს მიწეროთ შემდეგ ელფოსტაზე: bi@ciu.edu.ge

ასევე, იხილეთ:

ბიზნეს ინკუბატორის ვიდეორგოლი 2019

ბიზნეს ინკუბატორის შემაჯამებელი ღონისძიება 2018: ფოტო არქივი

ბიზნეს ინკუბატორის“ დასკვნითი ღონისძიება