შოთა რუსთაველის საქართველოს ეროვნული სამეცნიერო ფონდი აცხადებს 2021 წლის "მაგისტრანტთა სასწავლო-კვლევითი პროექტების გრანტით დაფინანსების კონკურსს".
კონკურსის მიზანი
მაგისტრანტთა სასწავლო-კვლევითი პროექტების დასაფინანსებლად გრანტების გაცემის მიზანია მაგისტრატურის აკრედიტებულ საგანმანათლებლო პროგრამაზე ჩარიცხული მაგისტრანტების სამაგისტრო ნაშრომის ფარგლებში სამეცნიერო კვლევების ხარისხის გაზრდის, აკადემიური დონის ამაღლებისა და კვლევითი უნარ-ჩვევების განვითარების ხელშეწყობა, ასევე, საქართველოს უმაღლესი საგანმანათლებლო დაწესებულების სამეცნიერო-კვლევითი პოტენციალის გაუმჯობესების, სწავლის პროცესში კვლევის ინტეგრაციისა და თემატური და/ან ინტერდისციპლინური მიმართულებით კვლევითი აქტივობის განვითარების ხელშეწყობა.
კონკურსის ძირითადი პირობები
პროექტების ელექტრონული რეგისტრაციის ვადაა 2021 წლის 15 ნოემბერი 16:00 საათი, ხოლო ფონდის კანცელარიაში რეგისტრაციის ვადა 2021 წლის 22 ნოემბერი 16:00 საათი.
სამეცნიერო კვლევების დეპარტამენტი გასცემს ინდივიდუალურ კონსულტაციებს კავკასიის საერთაშორისო უნივერსიტეტის ყველა მაგისტრანტისთვის, რომლებიც დაინტერესებულები არიან კონკურსში მონაწილეობით. დაინტერესებული მაგისტრანტები გთხოვთ, დაგვეკონტაქტოთ ელექტრონულ ფოსტაზე science@ciu.edu.ge.
დეტალური ინფორმაციისთვის გთხოვთ, იხილოთ კონკურსის ბმული.
ადრესატი
თქვენი სახელი
ელ-ფოსტა
თემა
შეტყობინება