სასწავლო-შემეცნებით, დოკუმენტურ ფილმებს „ქართლის ცხოვრება მარიამ ლორთქიფანიძესთან ერთად“ პედაგოგები აჭარის ავტონომიური რესპუბლიკის ქალაქებისა და რაიონების სკოლებში ისტორიის სწავლებისას გამოიყენებენ.
კავკასიის საერთაშორისო უნივერსიტეტის მულტიმედია ცენრმა პროექტის პრეზენტაცია ბათუმში გამართა. შეხვედრას აჭარის ავტონომიური რესპუბლიკის ქალაქებისა და რაიონების საგანმანათლებლო რესურსცენტრების წარმომადგენლები და სკოლის დირექტორიები ესწრებოდნენ.
მულტიმედია ცენტრმა აჭარის ავტონომიური რესპუბლიკის სკოლებს საჩუქრად სასწავლო-შემეცნებითი ფილმების სერია „რუსთველის სამყარო თამაზ კვაჭანტირაძე“ გადასცა. საჯარო სკოლებს შესაძლებლობა ექნებათ აღნიშნული მულტიმედიური რესურსი ქართული ენისა და ლიტერატურის გაკვეთილებზე გამოიყენონ.
„ქართლის ცხოვრება მარიამ ლორქიფანიძესთან ერთად“ თექვსმეტი სასწავლო-შემეცნებითი დოკუმენტური ფილმისგან შედგება. ციკლში საქართველოს ისტორიის ეტაპები და საუკუნეების მანძილზე განვითარებული მოვლენები მსოფლიო ისტორიულ პროცესებთან მიმართებაშია განხილული და გააზრებული.
ადრესატი
თქვენი სახელი
ელ-ფოსტა
თემა
შეტყობინება
