ნატო-ს გენერალური მდივანი იენს სტოლტენბერგი, ჩრდილოატლანტიკური საბჭოს ვიზიტის მეორე დღეს, საქართველოს უმაღლესი სასწავლებლების სტუდენტებს პარლამენტის ეროვნულ ბიბლიოთეკაში შეხვდა. აღნიშნულ შეხვედრას კავკასიის საერთაშორისო უნივერსიტეტის შვიდი სტუდენტი დაესწრო.
გენერალურმა მდივანმა შეხვედრაზე ნატოს ახალ გამოწვევებზე, მათთან რეაგირების მექანიზმებსა და საქართველოსთან თანამშრომლობის მნიშვნელობაზე ისაუბრა.
შეხვედრა კითხვა-პასუხის რეჟიმით გაგრძელდა. მას საქართველოს უსაფრთხოებისა და განვითარების ცენტრის ხელმძღვანელი ლევან დოლიძე უძღვებოდა.
შეხვედრის დასასრულს საქართველოს პარლამენტის ეროვნული ბიბლიოთეკის დირექტორმა გიორგი კეკელიძემ გენერალურ მდივანს საჩუქრად „ვეფხისტყაოსანი“ გადასცა.
ღონისძიება ნატოსა და ევროკავშირის შესახებ საინფორმაციო ცენტრის მიერ იყო ორგანიზებული.
ადრესატი
თქვენი სახელი
ელ-ფოსტა
თემა
შეტყობინება
