ათდღიანი ექსპედიცია ფშავში

25 ივლისიდან 4 აგვისტომდე საექსპედიციო ჯგუფი, რომელიც უნივერსიტეტის პროფესორ-მასწავლებლებითა და სტუდენტებით არის დაკომპლექტებული, ათი დღის განმავლობაში ფშავს შეისწავლის.

საექსპედიციო ჯგუფი სოფელ მაღაროსკარში დაბინავდა და ექსპედიცია სწორედ ამ სოფლის შესწავლით დაიწყო.

აღნიშნული ექსპედიცია კავკასიის საერთაშორისო უნივერსიტეტის კანცლერის ვახტანგ წივწივაძის ინიციატივით ხორციელდება.

უნივერსიტეტის მიერ დაგეგმილი ექსპედიციის მიზანია შეისწავლოს ფშავის ისტორიულ–ეთნოგრაფიული მხარე, დასახლების ფორმები, განათლების სისტემა, მიგრაციის გამომწვევი მიზეზები, აქ დაბრუნების ალტერნატიული საშუალებები, დემოგრაფიული მდგომარეობა, ყოფითი კულტურა, რელიგიური შეხედულებანი, მატერიალური და სულიერი კულტურის ძეგლები. გარდა ამისა, გამოავლინოს მომავალი განვითარების პერსპექტივები–სოფლის მეურნეობის, ბიზნესისა (ტურიზმი, ყველის წარმოება) და მწვანე ეკონომიკის მხრივ (ტყეების მდგრადი მართვა).