ჟურნალისტური პროექტის ფინალი კსუ-ში

24 თებერვალს კავკასიის საერთაშორისო უნივერსიტეტში ,,გალხვი ჯგუფის’’ მიერ ორგანიზებული ჟურნალისტური პროექტის დასკვნითი ნაწილი გაიმართა. კსუ-ს საკონფერენციო დარბაზში მონაწილეების მიერ მომზადებული სტატიების, სიუჟეტებისა და ფოტო რეპორტაჟების წადგენა-განხილვა მოეწყო.

მედია ტური 6-10 თებერვალს ბაქოში ჩატარდა. მასში მონაწილეობა საქართველოს სხვადასხვა უმაღლესი სასწავლებლის ჟურნალისტიკის სპეციალობის თერთმეტმა სტუდენტმა მიიღო.

ჟიური კსუ-ს პროფესორებით დაკომპლექტდა: კსუ-ს ჟურნალისტიკის პროგრამის ხელმძღვანელი, კსუ მულტიმედია ცენტრის პროდიუსერი ნინო ჭალაგანიძე, კსუ-ს ასოცირებული პროფესორი, მულტიმედია ცენტრის პროდიუსერი სულხან მელაძე და კსუ-ს ასოცირებული პროფესორი ციცინო ბუკია.

პრეზენტაციების, მოხსენებითი სიტყვისა და მასალის წარდგენის შემდეგ, პროექტის გამარჯვებულები გამოვლინდნენ. პირველ ადგილზე გასული მონაწილე  მარიამ თავაძე-,,გალხვი ჯგუფის” მიერ ორგანიზებულ შემდეგ პროექტში 100%-იანი, მეორე ადგილზე გასული ნია პატარაშვილი 50%-იანი დაფინანსებით, ხოლო მესამე ადგილზე გასული თამარ ცეცხლაძე სამოყვარულო კამერით დაჯილდოვდა.

შეგახსენებთ, რომ ,,გალხვი ჯგუფის’’ პროექტები კსუ-ს ჟურნალისტიკის სპეციალობის სტუდენტების - გალაქტიონ ესაკიასა და ხვიჩა კონცელიძის ორგანიზებით ხორციელდება,  პარტნიორები კი კავკასიის საერთაშორისო უნივერსიტეტი და draw.ge-არიან.