თეთრიწყაროს მუნიციპალიტეტისა და ისანი-სამგორის რაიონის სკოლების თამაში

კავკასიის საერთაშორისო უნივერსიტეტი საქართველოს მწვანეთა მოძრაობა/„დედამიწის მეგობრები საქართველოსთან“ ერთად სასკოლო საგანმანათლებლო პროექტს - „ბუნება მბრძანებელია’’- ატარებს. პროექტის მიზანია გარემოსდაცვითი ცნობიერების ამაღლება, მწვანე ეკონომიკის პრინციპების გაცნობა და საქართველოსა და ევროკავშირს შორის ასოცირების ხელშეკრულების გარემოსდაცვითი სარეკომენდაციო ვალდებულებების მნიშვნელობის გაცნობიერება.

ღონისძიება კსუ-ს ბიზნესის ფაკულტეტის დეკანის მოვალეობის შემსრულებელმა ჯემალ სოლოღაშვილმა გახსნა. მან დამსწრე საზოგადოებას კსუ-ს დაარსებისა და განვითარების ისტორია გააცნო და თითოეულ მონაწილეს წარმატება უსურვა.

4 დეკემბერს პროექტის ორი თამაში ჩატარდა. პირველ ნაწილში ერთმანეთს თეთრიწყაროს მუნიციპალიტეტის კოდის, თეთრიწყაროს N 1 საჯარო და ერტისის საჯარო სკოლები შეხვდნენ. მეორე თამაში ისანი-სამგორის რაიონის სკოლებს შორის ჩატარდა: N 107, N 106, N 219, N 178, N 182, N 152, N 124, N 87, N 146. ჟიურის წევრების სია ასე დაკომპლექტდა: კსუ-ს ბიზნესის ფაკულტეტის დეკანის მოვალეობის შემსრულებელი ჯემალ სოლოღაშვილი, ქვემო ქართლში სახელმწიფო რწმუნებულ-გუბერნატორი პაატა ხიზანაშვილი, საქართველოს მწვანეთა მოძრაობა/„დედამიწის მეგობრები საქართველოს“ თანათავმჯდომარე ნინო ჩხობაძე, სატყეო პოლიტიკის კოორდინატორი ზაზა კვანტალიანი და გარემოს დაცვის ცნობიერების ამაღლების ექსპერტი გია თოდუა.

ინტელექტუალურ თამაშში თეთრიწყაროს მუნიციპალიტეტის სკოლებიდან თეთრიწყაროს N 1 საჯარო სკოლამ ხოლო ისანი-სამგორის რაიონიდან 182-ე საჯარო სკოლამ გაიმარჯვა.