კავკასიის საერთაშორისო უნივერსიტეტში „ახალგაზრდა ადვოკატებმა“ სტუდენტებთან შეხვედრა გამართეს. ორგანიზაციამ ორ საკითხზე გაამახვილა ყურადღება, პირველი საქართველოს შრომის კოდექსში სტაჟირების სამართლებრივი რეგულირების თემაა, ხოლო მეორე -,,ახალგაზრდა ადვოკატების“ მიერ გამოცხადებული ანალიტიკური თემების კონკურსი.
,,ახალგაზრდა ადვოკატების“ საკანონმდებლო წინადადების მიზანია, სტაჟირების დეფინიციისა და მასთან დაკავშირებული სამართლებრივი საკითხების საკანონმდებლო დონეზე დარეგულირება. როგორც ორგანიზაციის ხელმძღვანელი არჩილ კაიკაციშვილი განმარტავს, მოქმედი კანონმდებლობა სტაჟირების განმარტებას არ იძლევა, მაგრამ ითვლება, რომ ეს არის არაანაზღაურებადი სამუშაო სწავლის პროცესი, რომელიც გამოუცდელ კადრს პროფესიულ განვითარებას სთავაზობს. საკანონმდებლო წინადადების მიზანია სტაჟირების სამართლებრივი რეგულაცია, რაც ახალგაზრდების შრომითი უფლებების დაცვისკენაა მიმართული.
აღსანიშნავია, რომ ორგანიზაციამ წინადადების მომზადების დროს ისეთი ქვეყნების საერთაშორისო გამოცდილებით იხელმძღვანელა, როგორებიცაა: აშშ, გერმანია, ალბანეთი, დანია.
შეხვედრისას ,,ახალგაზრდა ადვოკატების“ ხელმძღვანელმა სტუდენტებს ანალიტიკური თემების კონკურსის პირობები გააცნო.
ადრესატი
თქვენი სახელი
ელ-ფოსტა
თემა
შეტყობინება
