11 თებერვალი მეცნიერ ქალთა და გოგონათა დღე

კავკასიის საერთაშორისო უნივერსიტეტის მეცნიერ ქალთა მიღწევები წლებია უკვე განსაკუთრებით თვალსაჩინოა.

აღსანიშნავია, რომ მეცნიერ ქალებსა და გოგონებს დიდი წვლილი აქვთ შეტანილი მეცნიერების ინტერნაციონალიზაციის მიმართულებით. ისინი აქტიურად მონაწილეობენ საერთაშორისო სამეცნიერო კონფერენციებში და აქვეყნებენ ნაშრომებს მაღალრეიტინგულ სამეცნიერო ბაზებში ინდექსირებულ ჟურნალებში.

CIU-ს მეცნიერი ქალები რუსთაველის ეროვნული სამეცნიერო ფონდისა და საუნივერსიტეტო საგრანტო კონკურსების გამარჯვებულები, ასევე, კავკასიის საერთაშორისო უნივერსიტეტის მიერ დაარსებული სამეცნიერო პრემიის „თამარი“ მფლობელები არიან.

ცნობისთვის, 11 თებერვალი მეცნიერ ქალთა და გოგონათა დღედ გაერომ 2015 წლის 22 დეკემბერს გამოაცხადა.