საქართველოს იუსტიციის სამინისტროს საგრანტო კონკურსი

20 ნოემბერს, 13:00 საათზე, კავკასიის საერთაშორისო უნივერსიტეტში, საქართველოს იუსტიციის სამინისტროს საგრანტო კონკურსის: „საქართველოს იუსტიციის სამინისტროს სისტემაში ინოვაციური სერვისების დანერგვის ხელშეწყობა, ადამიანის უფლებათა დაცვის გაძლიერება და სამართლებრივი უსაფრთხოების განმტკიცება“ შესახებ საინფორმაციო შეხვედრა გაიმართება.

კონკურსი ითვალისწინებს სამ მიმართულებას, ესენია:

• საქართველოს იუსტიციის სამინისტროს სისტემაში ინოვაციური სერვისების დანერგვის ხელშეწყობა;

• ადამიანის უფლებათა დაცვის გაძლიერება;

• სამართლებრივი უსაფრთხოების განმტკიცება.

საგრანტო პროგრამის მიზანია, სამინისტროს კომპეტენციების გათვალისწინებით, სამინისტროს სისტემაში ინოვაციური სერვისების დანერგვის ხელშეწყობის, ადამიანის უფლებების დაცვის გაძლიერებისა და სამართლებრივი უსაფრთხოების განმტკიცების მიზნით ღონისძიებების გატარება.

თითოეულ გამარჯვებულ პროექტზე გაიცემა არაუმეტეს 30 000 (ოცდაათი ათასი) ლარისა.

საგრანტო კონკურსში მონაწილეობის მიღება შეუძლია არასამეწარმეო (არაკომერციული) იურიდიულ პირს ან მის ფილიალს, აგრეთვე, ფიზიკურ პირს (საქართველოს მოქალაქე, პირადობის ნეიტრალური მოწმობის ან ნეიტრალური სამგზავრო დოკუმენტის მქონე პირი, ასევე, აფხაზეთის ავტონომიურ რესპუბლიკაში ან ცხინვალის რეგიონში (ყოფილ სამხრეთ ოსეთის ავტონომიურ ოლქში) ლეგიტიმურად მცხოვრები პირი, რომელიც საქართველოს კანონმდებლობით დადგენილი წესით არის რეგისტრირებული და რომელსაც მინიჭებული აქვს პირადი ნომერი), რომელიც საქმიანობს საქართველოში და დაინტერესებულია საგრანტო პროგრამით გათვალისწინებული მიზნებით და აკმაყოფილებს ამ პროგრამის ფარგლებში შექმნილი საგრანტო საბჭოს მიერ დადგენილ კრიტერიუმებს.

მნიშვნელოვანი თარიღები:

• საგრანტო კონკურსის გამოცხადების შესახებ განცხადების გამოქვეყნება -არაუგვიანეს 2023 წლის 20 ოქტომბრისა;

• საგრანტო განაცხადის წარმოდგენის ბოლო ვადა -განსაზღვრავს საგრანტო საბჭო, მაგრამ არაუგვიანეს 2023 წლის 1 დეკემბრისა;

• საგრანტო განაცხადის შეფასება და გადაწყვეტილების გამოქვეყნება - არაუგვიანეს 2023 წლის 20 დეკემბრისა;

• საგრანტო ხელშეკრულების გაფორმება - არაუგვიანეს 2023 წლის 30 დეკემბრისა

• საგრანტო ვადა -საგრანტო ხელშეკრულების გაფორმებიდან 5-9 თვემდე.

101 აუდიტორია