15 ნოემბერს, 15:00 საათზე, კავკასიის საერთაშორისო უნივერსიტეტში, ბიზნესისა და ტექნოლოგიების ფაკულტეტის ორგანიზებით „გლობალური მეწარმეობის კვირეულის“ (Global Entrepreneurship Week 2023 / GEW) ფარგლებში პირველი შეხვედრა თემაზე: „შემოქმედებითი აზროვნება“ გაიმართება.
კურსს წარუძღვება CIU-ს ბიზნეს ინკუბატორის ხელმძღვანელი, ბიზნეს ადმინისტრირების დოქტორანტი, მოწვეული ლექტორი, ქოუჩი, რითეილ ექსპერტი, ბიზნესტრენერი - ია ნადირაშვილი.
ღონისძიება მიზნად ისახავს კრეატიული აზროვნების განვითარებას, იდეების გენერირებასა და სხვადასხვა შემოქმედებითი ტექნიკების მეშვეობით ინოვაციური პროდუქტის მიღებას.
თავდაპირველად, სტუდენტებს ჩაუტარდებათ მასტერკლასი კრეატიულ ტექნიკებთან დაკავშირებით, რომლებსაც ისინი მოგვიანებით, გუნდური მუშაობის დროს გამოიყენებენ.
ვორქშოპის ნაწილში სტუდენტებს მოცემული ექნებათ სხვადასხვა, თემატურად განსხვავებული ნივთები, რითაც ისინი შეეცდებიან ახალი პროდუქტის მიღებას.
ღონისძიების ხანგრძლივობა: 4 საათი
ყველა მონაწილეს გადაეცემა სერტიფიკატი, ასევე, დაჯილდოვდებიან კონკურსში გამარჯვებულები!
კურსი განკუთვნილია კავკასიის საერთაშორისო უნივერსიტეტის სტუდენტების, აკადემიური და ადმინისტრაციული პერსონალისთვის.
რეგისტრაციისთვის იხილეთ ბმული: https://shorturl.at/krPR2
ადრესატი
თქვენი სახელი
ელ-ფოსტა
თემა
შეტყობინება
