სტუდენტების შერჩევა Erasmus+ პროგრამის ფარგლებში სტაჟირებაზე პოლონეთში

გაცნობებთ, რომ კავკასიის საერთაშორისო უნივერსიტეტსა და Józef Gołuchowski University of Applied Sciences-ს (პოლონეთი) შორის პარტნიორული თანამშრომლობის ფარგლებში, ვიწყებთ სტუდენტთა შერჩევის პროცესს Erasmus+ პროგრამის მიერ დაფინანსებულ სტაჟირებაზე.

სტაჟირების ადგილი:

Multi-specialist Hospital in Ostrowiec Świętokrzyski, პოლონეთი;

Monoprofile Centre for Medical Simulation.

სტაჟირების პერიოდი:

2025 წლის 1 მაისი - 15 ივლისი (მინიმუმ 11 კვირა; ±10 დღის გადაცდენა დასაშვებია).

სტაჟირება შესაძლებელია:

მედიცინის ფაკულტეტის ორი სტუდენტისთვის (მედიცინის საგანმანათლებლო პროგრამის სტუდენტები).

სტაჟირების პროგრამა მოიცავს:

1. კლინიკური სტაჟირება მრავალპროფილურ ჰოსპიტალში

სავალდებულო განყოფილებები: გადაუდებელი დახმარება (ED), საოპერაციო ბლოკი, კარდიოლოგია;

არჩევითად ერთი განყოფილება: ქირურგია / ორთოპედია / Internal Medicine;

ხანგრძლივობა: 10 კვირა (50 სამუშაო დღე);

ენები: ინგლისური, პოლონური;

კრედიტი: 24.

2. სიმულაციური ცენტრის სასწავლო კურსი

ხანგრძლივობა: 10 საათი;

კრედიტი: 4.

3. პოლონური ენის საბაზისო კურსი

ხანგრძლივობა: 10 საათი.

დამატებითი სარგებელი ორგანიზატორებისგან:

• მინიმუმ 2 ტურისტული და კულტურული ტური სრულად დაფინანსებული;
• მონაწილეობა უნივერსიტეტის ღონისძიებებში;
• პრაქტიკის მენტორის მუდმივი კონსულტაციები;
• დახმარება ხელმისაწვდომი საცხოვრებლის პოვნაში.

მონაწილეთა პასუხისმგებლობები:

• მგზავრობისა და საცხოვრებლის ხარჯების დაფარვა;
• მოქმედი სამედიცინო დაზღვევა;
• სამედიცინო ცნობა, რომელიც ადასტურებს, რომ სტუდენტს არ აქვს სტაჟირებაში მონაწილეობის წინააღმდეგ ჩვენებები;
• სექსუალური დანაშაულების პრევენციისა და არასრულწლოვანთა დაცვის შესახებ კანონის თანახმად, წარსული შეურაცხმყოფელი ქმედებების არქონის დამადასტურებელი ცნობა (როგორც პოლონეთიდან, ასევე ბოლო 20 წლის განმავლობაში სტუდენტის საცხოვრებელი ქვეყნებიდან);
• სამოქალაქო პასუხისმგებლობისა და უბედური შემთხვევების დაზღვევა;
• სტაჟირების ყველა სავალდებულო კომპონენტში მონაწილეობა;
• ოსტროვიეც შვიენტოკჟისკიდან გამგზავრება მხოლოდ პრაქტიკის ხელმძღვანელთან შეთანხმებით.

განაცხადების მიღება: კონკურსი ტარდება სემესტრში ერთხელ. სააპლიკაციო დოკუმენტების (pdf ფორმატით) მიღება ხდება საერთაშორისო ურთიერთობების დეპარტამენტის ელ.ფოსტაზე: ird@ciu.edu.ge .

სააპლიკაციო დოკუმენტები:

• პირადობის დამადასტურებელი საბუთის ასლი;
• ცნობა სტუდენტის სტატუსის შესახებ (ინგლისურ ენაზე);
• ნიშნების ფურცელი (ინგლისურ ენაზე);
• სამოტივაციო წერილი (ინგლისურ ენაზე);
• CV (ინგლისურ ენაზე).

შერჩევის პროცედურა:

• სააპლიკაციო დოკუმენტების გადარჩევა;
• გასაუბრება შიდასაუნივერსიტეტო კომისიასთან.

შეფასების ძირითადი კრიტერიუმები:

• მოტივაცია;
• აკადემიური მოსწრება;
• ენობრივი კომპეტენცია.

საბუთების გამოგზავნის ბოლო ვადა - 13 აპრილი, 2025 წელი.

გისურვებთ წარმატებას!