13 მარტს კავკასიის საერთაშორისო უნივერსიტეტის სოციალურ მეცნიერებათა ფაკულტეტისა და უსაფრთხოების სფეროს მკვლევართა ასოციაციის (უსმა/USMA) ორგანიზებით, გაიმართა საჯარო ლექცია/დისკუსია თემაზე: ,,საქართველოს საგარეო-პოლიტიკური პრიორიტეტები მე-18 საუკუნის მეორე ნახევარში".
ლექციას ისტორიის მეცნიერებათა დოქტორი, პროფესორი, ვახტანგ გურული და ისტორიის მეცნიერებათა დოქტორი, CIU-ს ასოცირებული პროფესორი, ქეთევან შოშიაშვილი უძღვებოდნენ.
მომხსენებლებმა მიმოიხილეს ერეკლე მეორის მოღვაწეობა, გეორგიევსკის ტრაქტატი და რეგიონის იმდროინდელი გეოპოლიტიკური მდგომარეობა, ლექციის მეორე ნაწილი კი კითხვა-პასუხისა და დისკუსიის რეჟიმით წარიმართა.
საჯარო ლექციას მოდერატორობას უწევდნენ უსაფრთხოების ანალიტიკოსი, უსაფრთხოების სფეროს მკვლევართა ასოციაციის თავმჯდომარე, ბესიკ ობოლაძე და პოლიტიკის მეცნიერების დოქტორი, CIU-ს საერთაშორისო ურთიერთობების საბაკალავრო პროგრამის ხელმძღვანელი, ასოცირებული პროფესორი, ალიკა გუჩუა.
ლექციაზე სტუმრებს მიესალმა CIU-ს სოციალურ მეცნიერებათა ფაკულტეტის დეკანი, ნანა ამირანაშვილი.
საჯარო ლექციას სტუდენტები, უნივერსიტეტის ადმინისტრაციული და აკადემიური პერსონალი ესწრებოდა.
ადრესატი
თქვენი სახელი
ელ-ფოსტა
თემა
შეტყობინება