24 მაისს, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ორგანიზებით საერთაშორისო კონფერენცია „ოკუპირებულ აფხაზეთში ლეგიტიმურად მცხოვრებ პირთა უფლებრივი მდგომარეობა“ გაიმართა.
ღონისძიება მისასალმებელი სიტყვით იუსტიციისა და სამოქალაქო ინტეგრაციის საკითხებში აფხაზეთის მინისტრმა, ნანა გაბელიამ გახსნა. კონფერენციაზე სიტყვით გამოვიდა აფხაზეთის ავტონომიური რესპუბლიკის მთავრობის თავმჯდომარე, რუსლან აბაშიძე. კონფერენციას ესწრებოდნენ კავკასიის საერთაშორისო უნივერსიტეტის რექტორი, კახაბერ კორძაია და უნივერსიტეტის სამართლის ფაკულტეტის დეკანი, გიორგი ხატიძე. კონფერენციაში მონაწილეობა მიიღო კავკასიის საერთაშორისო უნივერსიტეტის გეოპოლიტიკური მოდელირების ლაბორატორიის ხელმძღვანელმა, ასოცირებულმა პროფესორმა, ალექსანდრე რუსეცკიმ, რომელმაც წარადგინა მოხსენება თემაზე: „პოლიტიკური უფლებები ოკუპირებულ აფხაზეთში“.
კონფერენციას აფხაზეთის მთავრობის წევრები, დიპლომატიური კორპუსის წარმომადგენლები, სახელმწიფო უწყებებისა და საერთაშორისო ორგანიზაციების, ასევე აკადემიური წრეების წარმომადგენლები ესწრებოდნენ.
ადრესატი
თქვენი სახელი
ელ-ფოსტა
თემა
შეტყობინება
