„ქართული საბავშვო მწერლობა. „დედაენიდან“ სალამურამდე“ კომპარატივისტული ლიტერატურის ქართული ასოციაციის, შოთა რუსთაველის სახელობის ქართული ლიტერატურის ინსტიტუტისა და კავკასიის საერთაშორისო უნივერსიტეტის ახალი ერთობლივი პროექტია.
ცხრა ნაწილისგან შემდგარი გადაცემათა ციკლი გთავაზობთ კომპეტენტური ავტორების მეცნიერულ ანალიზს ქართული საბავშვო ლიტერატურის თვალსაჩინო წარმომადგენლებისა და მათი შემოქმედების შესახებ.
პროექტი შოთა რუსთაველის სახელობის ეროვნული სამეცნიერო ფონდის ფინანსური მხარდაჭერით განხორციელდა.
ვიდეოლექციების მთავარი მიზანი ქართველი მწერლების შემოქმედების, ღვაწლისა და მნიშვნელობის წარმოჩენაა, როგორც ადგილობრივი, ისე საერთაშორისო მასშტაბით.
აღსანიშნავია ისიც, რომ კომპარატივისტული ლიტერატურის ქართულმა ასოციაციამ, შოთა რუსთაველის სახელობის ქართული ლიტერატურის ინსტიტუტმა და კავკასიის საერთაშორისო უნივერსიტეტმა გასულ წლებში გადაცემათა ორი ციკლი შესთავაზა აუდიტორიას - „მე-20 საუკუნის ქართული მწერლობა და ნაციონალური იდენტობის იდეა. ნამდვილი ისტორია“, „ქართული ლიტერატურა 90 წუთში. გლობალური და ლოკალური“. ჩამოთვლილი პროექტებიც შოთა რუსთაველის სახელობის ეროვნული სამეცნიერო ფონდის ფინანსური მხარდაჭერით განხორციელდა.
ადრესატი
თქვენი სახელი
ელ-ფოსტა
თემა
შეტყობინება