28 დეკემბერს, კავკასიის საერთაშორისო უნივერსიტეტის საკონფერენციო დარბაზში, საქართველოს ეროვნული საკალათბურთო ნაკრების ყოფილ წევრ, ევროლიგის წარმატებულ ვეტერან კალათბურთელ - ვიქტორ სანიკიძესა და უნივერსიტეტს შორის, თანამშრომლობის მემორანდუმი გაფორმდა.
აღნიშნული მემორანდუმი ითვალისწინებს მხარეთა შეთანხმებას, კავკასიის საერთაშორისო უნივერსიტეტის კალათბურთის კლუბის მომავალ მიზნებსა და ამოცანებთან დაკავშირებით.
თანამშრომლობის მემორანდუმის გაფორმების ცერემონია, კსუ-ს კანცლერმა - ვახტანგ წივწივაძემ გახსნა. მან შეკრებილ საზოგადოებას ამ მეტად მნიშნელოვანი ინიციატივის დეტალები უფრო ვრცლად გააცნო და კალათბურთზე, როგორც ერთ-ერთ გამორჩეულ სპორტის სახეობაზე ისაუბრა. კანცლერის თქმით, კალათბურთი ნიჭიერებისა და ფიზიკური შესაძლებლობების საუკეთესო ტანდემს წარმოადგენს და უნივერსიტეტი 2019 წლიდან სპორტის ამ მიმართულებით სერიოზულ ნაბიჯებს გადადგამს.
ამ მიზნით, გადახალისდა გუნდის შემადგენლობაც: კსუ-ს სტუდენტების მხარდამხარ გამოცდილი, უმაღლესი კლასის ქართველი და უცხოელი კალათბურთელები ითამაშებენ, ხოლო სამწვრთნელო შტაბს სერბი სპეციალისტი უხელმძღვანელებს. კანცლერმა, ფართო საზოგადოების წინაშე, უნივერსიტეტის ბაზაზე, გრანდიოზული, სპორტული კომპლექსის მშენებლობის საკითხიც გააჟღერა.
შეკრებილ საზოგადოებას, საქართველოს ეროვნული საკალათბურთო ნაკრების ყოფილმა წევრმა, ევროლიგის წარმატებულმა ვეტერანმა კალათბურთელმა - ვიქტორ სანიკიძემაც მიმართა და ახალი მენეჯმენტით დაკომპლექტებულ კალათბურთის კლუბს წარმატებები უსურვა.
ღონისძიებას სპორტსმენები, კსუ-ს ხელმძღვანელობა, ადმინისტრაციის წარმომადგენლები და სხვა დაინტერესებული პირები ესწრებოდნენ.
შეგახსენებთ, რომ 2017 წლის 18 დეკემბერს საბოლოოდ გაირკვა, რომ კსუ-ს გუნდმა საქართველოს ჩემპიონატის ,,ა“ ლიგაში თამაშის უფლება მოიპოვა და სადებიუტო სეზონი მე-4 ადგილზე დაასრულა. სწორედ ამ ლიგიდან გააგრძელებს ახალი მენეჯმენტით დაკომპლექტებული კალათბურთის კლუბი ასპარეზობას და უმაღლეს ლიგაში მოსახვედრად იბრძოლებს.
ადრესატი
თქვენი სახელი
ელ-ფოსტა
თემა
შეტყობინება